Ижкар+20 °C
9 -тӥ гудырикошкон 2020 Воскресенье
16+

Фермерлэсь нуналзэ пусъёзы Удмуртиын 30-тӥ пӧсьтолэзе

  • 80
  • 0
Ижкар / Удмуртия
Фермерлэсь нуналзэ пусъёзы Удмуртиын 30-тӥ пӧсьтолэзе
Туспуктэм: Удмуртиысь гурт возёсъя но сиён-юонъя министерстволэн пресс-службаез

30-тӥ пӧсьтолэзе Удмуртиын Фермерлэсь нуналзэ пусъёзы. 2020-тӥ арын ужрад фермеръёслэн движенизылэн кылдыэмезлы 30 ар тырмонлы сӥземын луоз. Со сярысь элькунысь гурт возёсъя но сиён-юонъя министерстволэн пресс-службаез ивортэ.

30 ар ӵоже Удмуртиысь фермеръёс ваньбур поттонын но мер улонын бадӟым кужым луизы. Элькунысь гурт возёс удысын поттэм вань вузъёслэсь 36 процентсэ соос сётӥзы. Удмуртстат ивортэмъя, 2019-тӥ арын фермеръёс 2 сюрс 100 тонна сӥль но 46 сюрс 900 тонна йӧл поттӥзы. Пудо уллё та возёсъёсын гинэ будэ – туннэ соос 24 сюрс 328 йыр сюро таза пудо вордо, со пӧлын 10 сюрс 594 скалъёс (ар кутсконысен 7 процентлы йылӥз).

Туннэ Удмуртиын 1 сюрс 62 фермер возёсъёс но нимаз ужбергатӥсьёс пусъемын

2019-тӥ арысен кун фермеръёслы грантъёсын юрттэтэз будэтӥз, та дыре со ньыль ӧръёсъя висъяське: «Семьяен ужан ферма», «Кутскись фермер», «Агростартап» но гурт кооперативъёслэсь ваньбурзэс азинтон. Кутскись но ужась фермеръёслы юрттон вылысь кылем арын элькунын «Мон – фермер» акселератор радъязы, ӵектос туэ но быдэсъяське. 2019-тӥ арын Удмуртиысь гурт возёсъя министерство 46 агростартапъёслы 116 миллион манет сётӥз. Грант утӥсьёс 89 выль ужан интыос кылдытӥзы. Таяз арын вожвылъяськонын 33 фермеръёс вормизы, соос 66 ужан инты радъялозы. «Семьяен ужан ферма», «Кутскись фермер» оръёсъя 10 адями юрттэт басьтӥз.

2020-тӥ арын фермеръёслы грантъёсын юрттэтлэн быдӟалаез оглом 205 миллион манетлэсь трос луоз. Грантъёс 47 фермеръёс басьтозы. Троссэ 15 миллион манет сёто. 

Фермерлэн нуналэзлы сӥзем ужрад «Лудорвай» музей-заповедникын ортчоз. Отын азинлыко ужасьёсты пусъёзы, ужез азинтон ужпумъёсъя котырес ӝӧк сьӧрын кенешозы, выль техникаен тодматскозы. Люкаськемъёсты «Айкай» театр, Влад Андреев, Марина Галичанина но Артемий Гаврилов шулдыртозы


Наверх
Вниз