Ижкар+20 °C
9 -тӥ гудырикошкон 2020 Воскресенье
16+

Куинь ёросъёс юосты араны потӥзы Удмуртиын

  • 48
  • 0
Ижкар / Удмуртия
Куинь ёросъёс юосты араны потӥзы Удмуртиын
Туспуктэм: Григорий Фомин

Удмуртиын Пичи Пурга, Вотка но Можга ёросъёсысь гурт возёсъёс юосты араны потӥзы ни. Со сярысь элькунысь гурт возёсъя но сиён-юонъя министерстволэн пресс-службаез ивортӥз.

Та дырлы тужгес ӟеч ю тысь Вотка ёросын жильдӥзы – гектарысь 35,6 центнер

Можга ёросын кутсаськонлы кутскон сётӥз «Родина» огазеяськон. 27-тӥ пӧсьтолэзе отын толйись чабеез араны потӥзы. Шуныт но мускыт куазь ю тысьлы умой кисьманы луонлык сётӥзы, но арня талэсь азьвыл ортчем сильтӧл юосты погыртӥз, со комбайнъёслэсь ужзэс секытгес каре. Таяз арын «Родинаын» эшшо одӥг выль комбайн, КамАЗ машина басьтӥзы. Огазеяськонын 1 сюрс 730 гектар вылысь юосты утялтыны кулэ.

Тодэ вайытом, нырысетӥен юосты араны Пичи Пурга ёросысь «Восход» гурт возёс потӥз. Пудо сиён дасянын ужъёс элькунын йылпумъян пала вуо. Нош 30-тӥ пӧсьтолэзе Удмуртиын Фермерлэсь нуналзэ пусъёзы.  



Наверх
Вниз