Ижкар+20 °C
9 -тӥ гудырикошкон 2020 Воскресенье
16+

Курегпуз поттон 5 сюрслэсь трос штукалы йылӥз Удмуртиын

  • 37
  • 0
Ижкар / Удмуртия
Курегпуз поттон 5 сюрслэсь трос штукалы йылӥз Удмуртиын
Туспуктэм: Руслан Нуриахметов

2020-тӥ арын куать толэзь ӵоже Удмуртиын 524 сюрс 837 штука курегпуз поттӥзы. Кылем арысь та вакытэн ик ӵошатыса, со 5 сюрс 217 штукалы тросгес. Со сярысь элькунысь гурт возёсъя но сиён-юонъя министерстволэн пресс-службаез ивортэ.

Министерствоын пусъё, тылобурдо вордон одӥгез ялан азинскись удыс. Ӝыны ар ӵоже элькунысь возёсъёс тылобурдо уллёзэс 4,1 процентлы будэтӥзы – 7 миллион 353,2 сюрс йырысь 7 миллион 658,1 сюрс йырозь.

Нырысетӥ паларын бадӟым предприятиосын одӥг курег 165 курегпуз пузаз. Соослэн ялан азинскемзылы луыса Удмуртия курегпузлы ас кулэяськонэз 206 процентлы тырмытӥз ни.

Тодэ вайытом, туэ тулыс Пичи Пурга ёросысь Сизяшур гуртын туала тылобурдо вордон огъет усьтӥзы



Наверх
Вниз