Ижкар+17 °C
26 -тӥ куарусён 2020 Кӧснунал
18+

Ӝыны миллион тонналэсь трос ю тысь жильдӥзы Удмуртиысь гурт возёсъёс

  • 64
  • 0
Ижкар / Удмуртия
Ӝыны миллион тонналэсь трос ю тысь жильдӥзы Удмуртиысь гурт возёсъёс
Туспуктэм: Удмуртиысь гурт возёсъя но сиён-юонъя министерстволэн пресс-службаез

Удмуртиысь гурт возёсъёс ӝыны миллион тонналэсь трос ю тысь жильдӥзы ини. Со сярысь элькунысь гурт возёсъя но сиён-юонъя министерстволэн пресс-службаез ивортэ.

2-тӥ куартолэзьлы ивортонъёсъя, гуртоос оглом 532 сюрс тонна ю тысь люказы. Юосты 230 сюрс гектарысь утялтӥзы ини, со чакламлэсь 76 процентэз луэ. Кылиз на 85 сюрс пала гектарез араны-кутсаны.

Таяз арняе куазез чакласьёс уз зоры шуыса оскыто. Куазь таӵе ик шуныт но шундыё возиськиз ке, элькунамы тысё юосты утялтон троссэ 10 нунал ӵоже йылпумъяськоз
Удмуртиысь гурт возёсъя но сиён-юонъя министерстволэн пресс-службаез

Вавож но Пичи Пурга ёросъёсысь гуртоос чакламлэсь 97 процентсэ юоссэс утялтӥзы ни. Красногорск ёросын – 95 процентсэ. Вавожысь ю-нянь будэтӥсьёс 60 сюрс тонналэсь трос тонна ю тысь жильдӥзы ини, алнашъёс – 51 сюрс тонна. Но оглом ю тысь жильдонъя можгаос ваньзэсты азьпалто, соос 69 сюрс 600 тонна ю октӥзы ини.

Одӥг гектарысь тужгес трос ю тысь вавожъёс басьто – 35,1 центнер. Элькунъя гектарысь шорлыдын 23,1 центнер луэ

Тодэ вайытом, Удмуртиысь гурт возёсъя министерство удысэз 2025-тӥ арозь азинтонъя выль стратегиез кылдытэ.



Наверх
Вниз