Ижкар+17 °C
26 -тӥ куарусён 2020 Кӧснунал
18+

Вылӥ ӟечлыко сыр поттон понна Даниысь горд выжыысь скалъёсты вордыны кутскизы Удмуртиын

  • 71
  • 0
Кияса / Удмуртия
Вылӥ ӟечлыко сыр поттон понна Даниысь горд выжыысь скалъёсты вордыны кутскизы Удмуртиын
Туспуктэм: Удмуртиысь гурт возёсъя но сиён-юонъя министерстволэн пресс-службаез

Удмуртиын вылӥ зечлыко сыр поттон понна Даниысь горд выжыысь скалъёсты вордыны кутскизы. Со сярысь элькунысь гурт возёсъя но сиён-юонъя министерстволэн пресс-службаез ивортэ.

Уж борды Кияса ёросысь «Экоферма «Дубровское» огазеяськон басьтӥськиз. Гудырикошкон шорын возёсэ Даниысь 160 скалъёсты вайизы. Али соос 30 нуналъем карантинын уло. Собере 1 сюрс 200 йырлы чаклам пудо вордон огъетлэн огаз гидаз выжтозы. 

3-тӥ гудырикошконэ возёсысь ӧнерчиос Даниысь эшшо 113 ветылъёсты онлайн амалэн бырйизы, соос Удмуртие 25-тӥ куарусёнэ вуозы. Нош коньывуонэ нырысетӥ кунянъёссы вордӥськыны кулэ ини. «Экоферма «Дубровское» огазеяськонлэн кивалтӥсез Анатолий Носуленко та выжыысь скалъёсты быръемзэс соослэн юн тазалыкенызы но йӧлзылэн сырлы умой тупаменыз валэктэ.

Ми премиум-классъем сыръёс поттыны малпаськом, со понна нимысьтыз сыръё кулэ – бадӟым вӧйлыкен но белокен. Нош Даниысь горд скалъёс 4 процентозь вӧйлыкен йӧл сёто, белокез 3 процентлэсь ортче
Анатолий Носуленко, «Экоферма «Дубровское» огазеяськонлэн кивалтӥсез

Пусъём, кема дыр ӵоже Удмуртиын холмогорской но сьӧдо-куӵо скалъёсты гинэ вордӥзы. Берло аръёсы голштин выжы уськытыны кутскизы. Али чылкыт голштин выжыысь скалъёсты но будэто ини. Со сяна, кылем арын Даниысь ик джерси выжыысь скалъёсты вайизы. Соосты нырысь ик Можга ёросысь «Заря» колхозын но Вотка ёросысь «Мир» огазеяськонын будэтыны кутскизы. 

Тодэ вайытом, Удмуртиысь йӧл поттӥсьёслы 170 миллион манет тыр кун юрттэт висъязы



Наверх
Вниз