Ижкар+17 °C
26 -тӥ куарусён 2020 Кӧснунал
18+

Вавож но Красногорск ёросъёсын ю утялтон ужъёсты йылпумъязы

  • 107
  • 0
Ижкар / Удмуртия
Вавож но Красногорск ёросъёсын ю утялтон ужъёсты йылпумъязы
Туспуктэм: Григорий Фомин

Удмуртиысь Вавож но Красногорск ёросъёсын ю утялтон ужъёсты йылпумъязы. Со сярысь элькунысь гурт возёсъя но сиён-юонъя министерстволэн пресс-службаез ивортэ.

Вавожысь возёсъёс туэ 63 сюрс тонна ю тысь жильдӥзы, котькуд гектарысь 33,6 центнер басьтӥзы. Красногорскъёс гектарысь 14,7 центнер ӟечлыкен 6 сюрс 300 тонна ю поттӥзы

Ю-нянь аран-кутсан ужзэс йылпумъям возёсъёс пӧлын ӟечлыксыя Вавожысь «Жуе-Можга» но Мичурин нимо возёсъёс азьветлӥсьёс луо. Нырысетӥяз возёсын гектарысь 41,1 центнер ю жӥльдӥзы, кыкетӥяз – гектарысь 40,2 центнер.

7-тӥ куарусёнлы лыдпусъёсъя, Удмуртиысь возёсъёс 606 сюрс 900 тонна ю тысь люказы ини. Со кылем арынлэсь 178 сюрс 800 тонналы тросгес.

Гуртоослы оглом 47 сюрс 400 гектар музъемъёсысь юэз утялтыны кылиз на. Со киземлэсь 15 процент луэ.

Пусъём, ю утялтон ужъёссы озьы ик Алнаш ёросын йылпумъясько. Ёросысь возёсъёс 97 процентсэ ю бусыоссэс аразы ини, кылиз на 776 гектар гинэ. Озьы ик матын ини Можга ёрос – 96 процент (кылиз на 1 сюрс 100 гектар) но Грак ёрос – 95 процент (550 гектар). 

Тодэ вайытом, Удмуртиын вылӥ ӟечлыко сыр поттон понна Даниысь горд выжыысь скалъёсты вордыны кутскизы.



Наверх
Вниз