Ижкар+17 °C
26 -тӥ куарусён 2020 Кӧснунал
18+

Толйись юосты кизёнэз йылпумъяло Удмуртиын

  • 58
  • 0
Ижкар / Удмуртия
Толйись юосты кизёнэз йылпумъяло Удмуртиын
Туспуктэм: Удмуртиысь гурт возёсъя но сиён-юонъя министерстволэн пресс-службаез

Удмуртиын 7-тӥ куарусёнлы лыдпусъёсъя толйись юосты 54 сюрс 200 гектаре кизизы ини. Со чакламлэсь 91 процент луэ (кылем арын та вакытэ 68 процент вал). Со сярысь элькунысь гурт возёсъя но сиён-юонъя министерстволэн пресс-службаез ивортэ.

Укмыс ёросъёс – Глаз, Дэбес, Камбарка, Кизнер, Можга, Сьӧлта, Сюмси, Шаркан, Яр - кизён ужъёссэс йылпумъязы ини. 95 процентлы ужъёссэс Алнаш, Вавож но Пичи Пурга ёросъёс быдэстӥзы.

Туэ тросаз ёросъёсын толйись юосты чакламлэсь трос кизё. Озьы, Дэбес ёросысь возёсъёс солы оглом 1 сюрс 986 гектарзэс висъязы, со планзылэсь 44 процентлы тросгес. Можгаос 3 сюрс 863 гектар вылэ кизизы (6 процентлы тросгес)

Элькунамы толйись юосты оглом 59 сюрс 400 гектаре кизьыны чакламын. Шуныт но шундыё куазь возёсъёслы ужзэс дыраз быдэстыны луонлык сётэ. Озьыен, юос оглом потозы, нош вуоно арын ӟеч емыш сётозы шуыса оскон вань.

Тодэ вайытом, Удмуртиын ю утялтон ужъёс йылпумъясько.



Наверх
Вниз