Ижкар+17 °C
26 -тӥ куарусён 2020 Кӧснунал
18+

Вить ёросъёс ю утялтон ужъёссэс йылпумъязы Удмуртиын

  • 61
  • 0
Ижкар / Удмуртия
Вить ёросъёс ю утялтон ужъёссэс йылпумъязы Удмуртиын
Туспуктэм: Григорий Фомин

Удмуртиысь вить ёросъёс ю утялтон ужъёссэс йылпумъязы. Со сярысь элькун тӧролэн но кивалтэтлэн пресс-службазы ивортӥз.

Ужъёссэс нырысетӥ йылпумъям Вавож но Красногорск ёросъёс борды Алнаш, Дэри, Камбарка ёросъёс итӥськизы.

Ӧжыт гинэ араны кылиз на Каракулино, Можга, Сюмси ёросъёсысь возёсъёслы. Татын 99 процентэз ужъёссы быдэстэмын

13-тӥ куарусёнлы лыдпусъёсъя, элькунамы юэз 307 сюрс 100 гектарысь яке 94 процентысьтыз кизем музъемъёсысь утялтӥзы ини. Гуртоослы оглом 19 сюрс 800 гектраысь ю тысь жильдыны кылиз на. Гурт возёсъёс оглом 662 сюрс 500 тонна ю тысь поттӥзы ини. Со кылем арынлэсь 169 сюрс 300 тонналы тросгес. Ӟеч тупам 2018-тӥ арен ӵошатыса но, лыдпус 28 сюрс 800 тонналы вылӥынгес.

Тужгес трос ю тысь Можга ёросысь гурт возёсъёс жильдӥзы – 77 сюрс 300 тонна. Соос бӧрсьы Алнаш (65 сюрс 500 тонна), Вавож (63 сюрс тонна), Сарапул (56 сюрс 400 тонна), Шаркан (42 сюрс 100 тонна) ёросъёс мыно.

Нырысь-валысь секталазэ чакласа, гектарысь тужгес трос ю Вавож ёросысь возёсъёс басьтӥзы- «Жуё-Можга» возёсын – 41,1 центнер, Мичурин нимо возёсын – 40,2 центнер, «Удмуртия» возёсын – 39,6 центнер. Элькунъя шоро-куспо лыдпус гектарысь 22,6 центнер луэ.

Тодэ вайытом, элькунамы толйись юосты кизён ужъёс но йылаз-пумаз вуо



Наверх
Вниз