Ижкар+17 °C
26 -тӥ куарусён 2020 Кӧснунал
18+

5,9 процентлы азинскиз йӧл поттон удыс Удмуртиын

  • 73
  • 0
Ижкар / Удмуртия
5,9 процентлы азинскиз йӧл поттон удыс Удмуртиын
Туспуктэм: Григорий Фомин

2020-тӥ арын 1-тӥ куарусёнлы Удмуртиысь йӧл поттон удыс ар кутсконысен 5,9 процентлы азинскиз. Со сярысь элькунысь гурт возёсъя но сиён-юонъя министерстволэн пресс-службаез ивортӥз.

Та дырлы улосвылысь гурт но фермер возёсъёс оглом 543 сюрс 900 тонна йӧл кыскизы. Со кылем арынлэсь 30 сюрс 500 тонналы тросгес.

Йӧллэсь вуз поттӥсь заводъёсы 497 сюрс 200 тонна йӧлэз вузазы. Со кылем арын та дырлы ик вузамлэсь 29 сюрс 900 тонналы яке 6,4 процентлы тросгес. Вузаны вань кыскем йӧл пӧлысь 91,4 процентэз яраз.

Тужгес трос йӧл котьку сямен Вавож, Шаркан, Можга, Алнаш но Балезино ёросъёсын потто. Азьветлӥсьёс – вавож возёсъёс – ар кутсконысен 52 сюрс тонна йӧл поттӥзы, со пӧлысь 48 сюрс 600 тонназэ вузазы. Та лыдпусъя но вавожъёс элькунамы нырысетӥ интыын луо.

Пусъём, 2020-тӥ ар пумозь Вавож ёрос уен-нуналэн йӧл поттыгы кутскыны чакла

9-тӥ куарусёнлы лыдпусъёсъя, элькунамы килограмм йӧлэз шорлыдын 24 манет 13 коньыен вузало (вытъёсты лыдэ басьтытэк). Кылем арын та нуналлы йӧл 1 манет 10 коньылы дунтэмгес сылӥз. 

Тодэ вайытом, Удмуртиысь вить ёросъёс ю утялтон ужъёссэс йылпумъязы



Наверх
Вниз