Ижкар+17 °C
26 -тӥ куарусён 2020 Кӧснунал
18+

Кукурузаез утялтыны кутскизы Удмуртиын

  • 60
  • 0
Ижкар / Удмуртия
Кукурузаез утялтыны кутскизы Удмуртиын
Туспуктэм: Константин Вознесенских

Удмуртиысь Балезино, Глаз но Ува ёросъёсысь гурт возёсъёс силослы кукурузаез утялтыны потӥзы. Со сярысь улосвылысь гурт возёсъя но сиён-юонъя министерстволэн пресс-службаез ивортэ.

Туэ сое оглом 27 сюрс 800 гектарысь утялтыны кулэ.

Туннэ нуналлы лыдпусъёсъя силос элькунысьтымы гурт возёсъёсын чакламлэсь 71 процентэз (1 миллион 79 сюрс 400 тонна) дасямын ини. Лыдпус кукурузалы луыса воштӥськоз на.

Сенаж 42 процентлы трос дасязы (1 миллион 220 сюрс тонна). 21 ёросъёс планзэс азьпалтыса ужазы. Озьы, Юкаменск ёросын жалем сиёнзы чакламлэсь 347 процент дасямын, Пичи Пурга ёросын – 200 процент, Эгра ёросын – 192 процент, Дэри ёросын – 185 процент, Алнаш ёросын – 184 процент, Ува ёросын – 173 процент.

Турын но туэ берло куинь ар ӵоже нырысьсэ тырмыт но чакламлэсь ӧжыт тросгес дасямын – 102 процент. Планзэс 14 ёросъёс азьпалтӥзы.

Пусъём, пудо сиён дасян планэз элькунысьтымы возёсъёс вазен быдэстӥзы ини. Одӥг пудо йырлы араз шорлыдын 25 центнер тырмыт луэ ке, туннэ нуналлы улосвылысьтымы возёсъёсын шорлыдын 29,3 центнер дасязы ини. Дас одӥг ёросъёс одӥг пудо йырлы шорлыдын 30 центнерлэсь трос пудо сиён люказы. Котькинэ азьпалтыса Эгра но Якшур-Бӧдья ёросъёсысь гуртоос тыршо. Ёросъёсын одӥг йыр пудолы шорлыдын 44,8 центнер но 40,6 центнер дасязы ини. 



Наверх
Вниз