Ижкар-11 °C
22 -тӥ толшор 2021 Удмуртарня
18+

512 пудолы чаклам выль йӧл поттон огъет усьтӥзы Глаз ёросын

  • 155
  • 0
Глазкар / Удмуртия
512 пудолы чаклам выль йӧл поттон огъет усьтӥзы Глаз ёросын
Туспуктэм: Удмуртиысь гурт возёсъя но сиён-юонъя министерстволэн пресс-службаез

Удмуртиысь Глаз ёросысь «Чура» огазеяськонын 512 йыр пудолы чаклам йӧл поттонъя выль огъет усьтӥзы. Со сярысь элькунысь гурт возёсъя но сиён-юонъя министерстволэн пресс-службаез ивортэ.

Удмуртиысь кивалтэтлэн тӧроезлэн воштӥсезлэн, элькунысь гурт возёсъя но сиён-юонъя министрлэн Ольга Абрамовалэн кылъёсызъя, объект синмаськымон, нырысь ик куронъёсты но кун экспертизаез ортчыны вань нормаосты чакласа пуктэмын луэменыз. Со пӧлын кыед утялтон, котырзэ чебер карон но мукетыз.

Асьме дорын таӵе фермаос ӵем уг пукто, соин ик со милемлы пример, кызьы луэ лэсьтыны. Мон туж оскисько, предприятие 2020-тӥ арын ик та объектэныз федерал капексъёсы куриськон келялоз но ватсаса субсидиослы луонлык басьтоз. Со 25 процентсэ быдтэм уксёзэс берыктоз. Соку элькунмы софинансировать кароз. 2019-тӥ арын «Чуралы» «1 миллион тонн молока» улосвыл программа улсын 40 миллион манет висъямын вал ини, дуно сылӥсь йӧл поттон тӥрлык басьтыны быдтэм уксёзы берыктэмын
Ольга Абрамова, Удмуртиысь кивалтэтлэн тӧроезлэн воштӥсез, элькунысь гурт возёсъя но сиён-юонъя министр

Выль огъетын скалъёслы ӟеч улон понна ваньмыз чакламын. 11 метр ӝуждалаем гидын пудолы массаж лэсьтыны маятник амалэн ужась щёткаос, кужмо вентиляторъёс сыло, штора-укноос, кудъёсыз озьы ик компьютерысь программаен усьтӥсько-ворсасько. Выль гидлы луыса «Чура» огазеяськон скалъёсты думытэк возён амалэ выжиз. Озьы ик огъетын скал кыскон быдэсак автомат амалэн радъяське. Со понна DeLaval фирмалэсь «Параллель»скал кыскон залзэ пуктӥзы. Параллельной пудо сылон интыос скалъёсты ӝог воштыны луонлык сёто.

Выль огъетэз пуктон бордын кык арлэсь кема тыршизы. Уже 185 миллион манет кутӥзы. Инвестициоссы тужгес троссэ вить ар ӵоже берытскозы шуыса чаклало

Выль огъетын туннэ ик нуналлы быдэ 4 но ӝыны тонналы тросгес йӧл кыско ини. Кылем арын нуналаз 13 сюрс 200 тонна йӧл потто вал ке, туэ 17 сюрс 600 тонна ини. Котькуд скаллэсь нуналаз шор лыдын 25 киллограм 400 грамм йӧл кыско. Арзэс котькуд скаллэсь 9 сюрс килограммлэсь трос йӧл кыскыса йылпумъяны чаклало.

Нялтас вераса, 2020-тӥ арын Удмуртиын «1 миллион тонн молока» улосвыл программа улсын пуктэм  йӧл поттонъя тямыс выль огъетъёсты уже кутӥзы ини. 



Наверх
Вниз