Ижкар-5 °C
1 -тӥ толсур 2020 Пуксён
18+

18 ёросъёс ю-нянь утялтон ужъёсты йылпумъязы Удмуртиын

  • 126
  • 0
Ижкар / Удмуртия
18 ёросъёс ю-нянь утялтон ужъёсты йылпумъязы Удмуртиын
Туспуктэм: Григорий Фомин

Удмуртиысь 18 ёросъёсын ю-нянь утялтон ужъёс йылпумъяськизы. Со сярысь элькунысь гурт возёсъя но сиён-юонъя министерстволэн пресс-службаез ивортӥз.

Элькунамы оглом 20 сюрс 200 гектарысь юэз араны-кутсаны кылиз на

Туннэ нуналлы улосвылысь возёсъёс, нырысь-валысь секталазэ чакласа, 693 сюрс 300 тонна ю поттӥзы ини. Со кылем арын та нуналлы лыдпусъёсын ӵошатыса, 112 сюрс 300 тонналы тросгес.

Гектарысь тужгес трос ю Вавож ёросысь возёсъёс басьтӥзы - 33,9 центнер. Элькунъя та лыдпус 22,7 центнер луэ. Нош Можгаысь возёсъёс тужгес трос ю тысь жильдӥзы – гектарысь 78 сюрс 400 тонна.

Ю бусыоссэс утялтон бордын тыршо на Вотка ёросын (туннэ нуналлы лыдпусъёсъя 90 процентэз ужъёссы йылпумъямын), Якшур-Бӧдья ёросын (92 процент), Ува ёросын (93 процент), Яр ёросын (95 процент), Сарапул ёросын (97 процент), Пичи Пурга но Кияса ёросъёсын (98 процент).



Наверх
Вниз