Ижкар-18 °C
22 -тӥ толшор 2021 Удмуртарня
18+

Ю-нянь утялтонэз йылпумъязы Удмуртиын

  • 114
  • 0
Ижкар / Удмуртия
Ю-нянь утялтонэз йылпумъязы Удмуртиын
Туспуктэм: Григорий Фомин

2-тӥ коньвуонэ Удмуртиын тысё, тысё но пуртэсо юосты утялтон ужъёсты йылпумъязы. Гуртоос 327 сюрс 700 гектар музъемъёсты бушатӥзы. Со сярысь улосвылысь гурт возёсъя но сиён-юонъя министерстволэн пресс-службаез ивортӥз.

Элькунын оглом 701 сюрс 50 тонна ю тысь кутсазы. Кылем арын та дырлы ик 41 сюрс 500 тонналы ӧжытгес вал. Тужгес трос ю-нянь люказы Можга ёросын – 78 сюрс 400 тонна но Алнан ёросын – 65 сюрс 700 тонна.

Таяз арын тысё юосты одӥг гектарысь шорлыдын 22,6 центнер жильдӥзы, миым 24,5 центнер вал.

Юос кисьман вылын пӧсь гужем шӧдӥськиз – инвожое омырын температура 30 градусэз ортчиз, зор ӧз тырмы. Ю миымлэсь векчигес. Но туэ со бусыысь умой мускытлыкен пыриз, толалтэ возён понна со 14-16 процент луыны кулэ. Возёсъёс юзэс куасьтыны мултэс коньдон ӧз быдтэ
Удмуртиысь гурт возёсъя но сиён-юонъя министерстволэн пресс-службаез

2020-тӥ арын тужгес трос ю тысь жильдӥзы Вавож ёросын – одӥг гектарысь 33,9 центнер. 



Наверх
Вниз