21 -тӥ коньывуон 2020 Вирнунал
18+

Кын улэ гырон ужъёсты Удмуртиын 85 процентлы быдэстӥзы

  • 87
  • 0
Ижкар / Удмуртия
Кын улэ гырон ужъёсты Удмуртиын 85 процентлы быдэстӥзы
Туспуктэм: Руслан Нуриахметов

Удмуртиысь гурт возёсъёс 270 сюрс гектар музъемъёсты кык улэ гыризы ни, со чакламлэсь 85 процентэз луэ. Со сярысь элькунысь гурт возёсъя но сиён-юонъя министерстволэн пресс-службаез ивортӥз.

Сьӧлта ёросысь возёсъёс тулыс валэс юосты кизён улэ музъемъёсты дасян ужзэс 20 процентлы чакламлэсь вылтӥ быдэстӥзы. Красногорск ёросын – 7 процентлы, Якшур-Бӧдья ёросын – 6 процентлы

Вотка, Грак, Каракулино, Кизнер, Сюмси, Шаркан, Эгра ёросъёс кын улэ гырон ужзэс та дырлы 95 процентлэсь ятырлы быдэстӥзы.

Агрономъёс пусъё, сӥзьыл гырем музъеме зор ву но тулыс шуам ву умойгес пыӵа, арам бере кылем будосъёс тол ӵоже умойгес супырмо но тросгес удобрение сёто. Со сяна, кын улэ гырон жаг турынъёсын но будосъёсты изъянтӥсьёсын нюръяськонэз капчиятэ, угось соос бугыртэм музъемын кезьытъёсты уг чидало.

Тодэ вайытом, туэ Удмуртиын толйись юос улэ висъям музъемъёслэн быдӟалазы 10 сюрс гектарлэсь трослы йылӥз.  



Наверх
Вниз