Ижкар+3 °C
21 -тӥ коньывуон 2020 Вирнунал
18+

Мушъёсты утьыны юрттӥсь сервис кылдытӥзы Удмуртиын

  • 74
  • 0
Ижкар / Удмуртия
Мушъёсты утьыны юрттӥсь сервис кылдытӥзы Удмуртиын
Туспуктэм: Руслан Нуриахметов

Удмуртиын бусыосы хими суретъёсын пазян вакытэ мушъёсты утьыны юрттӥсь «Спасём пчёл» сервис кылдытӥзы. Со сярысь элькунысь гурт возёсъя но сиён-юонъя министерстволэн пресс-службаез ивортӥз.

Сервисын туж капчи ужаны: гурт возёс гожтэ, ку, кытын, кыӵе будосъёс вылэ но кыӵе суретъёс пазялоз. Нош система ваньзэ сое мушкасьёслы смс яке электрон почта пыр асэрказ лэзёз. Ивортон ужъёсты кутскемлэсь куинь нунал азьвыл бусылэсь 7 иськем котырысь вань муш бакчаосы вуоз. Матысь куинь нуналъёсы тазатоно бусыослэн люкетъёссы сайтэ интыям интерактивной картаын ӵужен буямын луозы, нош кытын ужъёс али мыно ни – гордэн.

Вань ивортонъёсты асьсэос возёсъёс пырто. Капчи но каньыл амалэн ивор сётон трос дырез уг быдты, нош чечы вайись мушъёсты утьыны зэмзэ но юрттоз
Удмуртиысь гурт возёсъя но сиён-юонъя министерстволэн пресс-службаез

Ивортон сётон яке басьтон понна сайтын пусйиськыны гинэ кулэ.

Министерствоын верамзыя, азьланяз сервислэсь мобильной ватсэтсэ лэсьтозы на

Тодэ вайытом, Удмуртиын 2019-тӥ арын гурт возёс бусыосты тазатон ужрадъёсын сэрен мушъёссы бырыны сюрем мушкасьёслы компенсация тырыны элькун коньдэтысь 1 миллион 500 сюрс манет висъязы. Туннэ нуналлы 1 миллион 50 сюрс манетсэ сётӥзы ни.



Наверх
Вниз