Ижкар-18 °C
22 -тӥ толшор 2021 Удмуртарня
18+

Нырысетӥзэ ӟазег фермаез усьтӥзы Удмуртиын

  • 94
  • 0
Сьӧлта / Удмуртия
Нырысетӥзэ ӟазег фермаез усьтӥзы Удмуртиын
Туспуктэм: Удмуртиысь гурт возёсъя но сиён-юонъя министерстволэн пресс-службаез

Удмуртиын нырысетӥзэ ӟазег фермаез усьтӥзы. Уж борды Сьӧлта ёросысь Анна Столбова басьтӥськиз. Со сярысь элькунысь гурт возёсъя но сиён-юонъя министерстволэн пресс-службаез ивортӥз.

2019-тӥ арын фермер грантъёсъя «Агростартап» вожвылъяськонэ куриськон келяз но 1 миллион 990 сюрс манет тыр грант утӥз.

Ӟазег вордон элькунысьтымы агропром огъет понна чылкак выль ӧр луэ

Тулыс фермер ӟазегпиос, озьы ик тылобурдоослы сиён дасяны будосъёс будэтыны трактор но думиськись техника басьтӥз.

Туннэ нуналлы Анна Столбовалэн фермаяз Линда выжыысь 150 ӟазегъёс уло. Та выжызы юнме быръемын ӧвӧл, чебер тӧдьы тылобурдоос бадӟым будо. Кык толэзь ӵоже соос ньыль килограммлы куаё – мумы ӟазегъёс 6-7 килограмм луо, айы ӟазегъёс – 7-8 килограмм. Озьыен, сӥль но, мамык гон но трос сётозы. Со сяна, тылобурдоослэн трос пӧртэм висёнъёслы иммунитетсы зол.

Рос-прос будон понна ӟазегъёслы вӧл-вӧл калгон инты лэсьтэмын, гид дорын тыметсы вань, отын тылобурдоос троссэ дырзэс ортчыто. Соосты тысё суретэн, минерал ватсэтъёсын но бакча сиёнъёсын сюдо. Ӟазегъёсты утялтон понна фермер одӥг ужан инты кылдытӥз. 

Азьланяз Анна Столбова ӟазегъёсызлэсь лыдзэс 500 йырозь йылэтыны малпа

Нырысь-валысь йылпумъянъёсъя, Линда выжыысь ӟазегъёслэн утялтон но сюдон ласянь мултэс кулэяськымтэзы но вакчи дыр ӵоже будэмзы, фермер возёслы чаклам табышсэ басьтыны луонлык сётоз. 

Тодэ вайытом, 2020-тӥ арын «Агростартап» программая 33 фермеръёслы 89 миллион 100 сюрс манет тыр грантъёс люкылӥзы



Наверх
Вниз