27-тӥ коньывуонлы Удмуртиын бусыосысь 75 процентсэ бакча сиёнъёсты но 98 процентсэ картофкаез утялтӥзы. Со сярысь улосвылысь гурт возёсъя но сиён-юонъя министерстволэн пресс-службаез ивортӥз.
Та дырлы картофка 93 сюрс 400 тонна люкаськиз, одӥг гектарысь шорлыдын 180 центнер усе. Возёсъёслы «кыкетӥ нянез» 88 гектарысь копаны кылиз.
2020-тӥ арын картофкаез элькунысь 17 ёросъёсын мерттӥзы вал. Соос пӧлысь витез – Дэбес, Кияса, Балезино, Вотка, Пичи Пурга еросъёс – бусыоссэс ӧз на бушатэ
Бакча сиёнъёсты Пичи Пурга, Ува но Дэбес ёросъёсын утялто на. Та дырлы 7 сюрс тонна емышъёс люказы - гектарысь шорлыдын 298,1 центнерен.
Тодэ вайытом, туэ элькунын оглом 701 сюрс 50 тонна ю тысь кутсазы.