Ижкар-11 °C
22 -тӥ толшор 2021 Удмуртарня
18+

204 скаллы выль гид усьтӥзы Удмуртиын

  • 80
  • 0
Можга / Удмуртия
204 скаллы выль гид усьтӥзы Удмуртиын
Туспуктэм: Удмуртиысь гурт возёсъя но сиён-юонъя министерстволэн пресс-службаез

Можга ёросысь «Красный Октябрь» гурт возёсын 204 скаллы чаклам выль гид усьтӥзы. Со сярысь элькунысь гурт возёсъя но сиён-юонъя министерстволэн пресс-службаез ивортӥз.

Выль гидэз 2017-тӥ арын пуктыны кутскизы. Фермаын пудоез возьыны но, ужаны но умой луонлыкъёс кылдытӥзы. Татын йӧлэз сӥятӥсь но скалэз кыскон туала тӥрлык пуктӥзы. Солы луыса скалъёсты вӧсь карытэк, мастит кылдонлэсь утьыса кыско, йӧлзы но вылӥ ӟечлыко луэ. 

Туннэ нуналлы выль гидын вужысьтыз выжтэм 100 скалъёс уло ини. Матысь дыре соос вӧзы ӟеч выжыысь 40 ветылъёсты пыртозы. 

«Красный Октябрь» возёсын 795 сюро таза пудо возё, со пӧлысь 305-ез – кысконо скалъёс.

Та дыре возёсын нуналаз 5 сюрс 700 тонна йӧл потто, котькуд скаллэсь шорлыдын 20,1 килограмм йӧл кыско

Возёсын оско, выль гидэз усьтэмен ваньбур поттонзы эшшо йылоз.

Тодэ вайытом, 2020-тӥ ар пумозь Удмуртиын эшшо кӧня ке скал гидъёс усьтӥськыны кулэ. Соос пӧлын 1 сюрслэсь трос скаллы чаклам бадӟым фермаос но. 



Наверх
Вниз