Ижкар-18 °C
22 -тӥ толшор 2021 Удмуртарня
18+

6,3 процентлы будӥз йӧл кыскон Удмуртиын

  • 98
  • 0
Ижкар / Удмуртия
6,3 процентлы будӥз йӧл кыскон Удмуртиын
Туспуктэм: Григорий Фомин

2020-тӥ арын толшор-коньывуон ӵоже Удмуртиын 673 сюрс 800 тонна йӧл кыскизы. Кылем арысь та вакытэн ӵошатыса, со 40 сюрс тонналы яке 6,3 процентлы тросгес. Со сярысь элькунысь гурт возёсъя но сиён-юонъя министерстволэн пресс-службаез ивортӥз.

Фермер возёсъёс йӧл кысконзэс 15,8 процентлы будэтӥзы. Скал уллёзы 336 йырлы яке 3,3 процентлы йылӥз

Элькунын тужгес йӧло ёросъёс: Вавож – 64 сюрс 700 тонна, Шаркан – 58 сюрс 300 тонна, Можга – 47 сюрс тонна.

Со дыре йӧл кысконзэс тужгес шӧдскымон будэтӥзы Вотка ( 30,5 процентлы), Вавож (14,8 процентлы), Яр (12,6 процентлы) ёросъёс.

Удмуртиысь гурт возёсъя но сиён-юонъя министерствоын чакламзыя, 2020-тӥ арын элькунысь гурт но фермер возёсъёс оглом 800 сюрс тонна йӧл кыскозы, кылем арын сярысь 6,2 процентлы тросгес. 

Туэ котькуд скаллэсь шорлыдын 6 сюрс 800 килограммозь йӧл басьтозы шуыса чаклало (2019-тӥ арын – 6 сюрс 508 килограмм)

Союзмолокын ивортэмзыя, толшоре-гудырикошконэ Удмуртия юон йӧл поттонъя Россиысь 20 устоосыз улосвылъёс пӧлы пыре но куатетӥ инты басьтэ. Ӧнерчиос верамъя, со 20 улосвылъёс вань юон йӧл пӧлысь 64 процентсэ потто.

Тодэ вайытом, туннэ Удмуртиын 30-лэсь трос выль скал гидъёс ӝуто. Со пӧлысь кызьлэсь уноез 2020-тӥ ар пумозь ужаны кутскозы ни. Кык фермер возёсъёс йӧллэсь сиёнъёс лэсьтыны пичи заводъёс пукто



Наверх
Вниз