Ижкар-18 °C
22 -тӥ толшор 2021 Удмуртарня
18+

7 сюрс 500 гектарлэсь трос гурт возёс музъемъёсты уже берыктӥзы Удмуртиын

  • 68
  • 0
Ижкар / Удмуртия
7 сюрс 500 гектарлэсь трос гурт возёс музъемъёсты уже берыктӥзы Удмуртиын
Туспуктэм: Никита Иванов

2020-тӥ арын Удмуртиын 7 сюрс 602 гектар мында аналтэм гурт возёс музъемъёсты уже берыктӥзы. Со сярысь элькунысь гурт возёсъя но сиён-юонъя министерстволэн пресс-службаез ивортӥз.

Туэ элькунын 5 сюрс 500 гектар аналтэм музъемъёсты гурт возёс уже берыктыны чакламын вал. 10 толэзь ӵоже ини ёросъёс со лыдпусэз 2 сюрс 100 гектарлы ортчизы.

Кизёно музъемъёсссэ шӧдскымон будэтӥзы Глаз ёросын – 1 сюрс 40 гектар, Сарапул ёросын – 913 гектар но Можга ёросын – 717 гектар. Яр но Дэбес ёросъёсын музъемъёсты кадастр учётэ пуктонъя ужъёсты быдэстӥзы, озьы отын 700 гектар пала музъемъёс Госреестре пыртэмын но гурт возёсъёслы трос арлы арендае сётыны дасямын.

Ми та ӧрлы 2018-тӥ арысен коньдон висъяськомы, берло куинь аръёс ӵоже юрттэтлэн быдӟалаез оглом 22 миллион 400 сюрс манет котыр луиз. Со пӧлын 2020-тӥ арын – 21 миллион 100 сюрс манет. 2021-тӥ арын ми кӧня ке ватсаны малпаськомы – элькун коньдэтысь 13 миллион 100 сюрс манет куримы, татын муниципал кылдытэтъёслы но гурт возёсъёслы музъемъёсты кадастр учётэ пуктэм понна тыриськонэз берыктон чакламын
Ольга Абрамова, Удмуртиысь кивалтэтлэн тӧроезлэн воштӥсез - гурт возёсъя но сиён-юонъя министр

2021-тӥ арын Удмуртиын 28 сюрс 900 гектар гурт возёс музъемъёсты кадастр учётэ пуктыны малпало.

Тодэ вайытом, элькунын тыметын чорыг будэтонэз куинь поллы йылтыны чаклало



Наверх
Вниз