Та арня шорын Удмуртиын куазь 30 градуслэсь кезьытгес кариськоз. Со сярысь элькун Гидрометцентрлэн пресс-службаез ивортӥз.
12-тӥ толшоре потон уе ик омырын -22…-27 градус луоз, нош температура -18…-23 градусозь лэзькоз. Дырын-дырын ӧжытак лымыялоз.
13-тӥ толшоре куазь вылын Арктикаысь циклон золгес шӧдӥськыны кутскоз. Уйин температура -25…-30 градусозь лэзькоз, нуназе -21…-26 градус луоз. Лымыяны кулэ ӧвӧл
14-тӥ толшоре уйин омырын -27…-32 градус кезьыт луоз. Нунал ӵоже Удмуртия доры нош ик лымшор циклон вуоз. Быдэсаз сямен элькунын лымыялоз. Температура калленэн ӝутскыны кутскоз но -15…-20 градус луоз.
Нырысь-валысь чакланъёсъя 15-тӥ толшоре озьы ик лымыялоз, температура эшшо ӝутскоз.