Ижкар-13 °C
28 -тӥ тулыспал 2021 Воскресенье
18+

Шӧдскымон шуныт кариськоз Удмуртиын 24-тӥ толшоре

  • 60
  • 0
Ижкар / Удмуртия
Шӧдскымон шуныт кариськоз Удмуртиын 24-тӥ толшоре
Туспуктэм: Руслан Нуриахметов

Удмуртиын куазь шуак воштӥськоз – шутэтскон нуналъёсы кезьыт луоз на, нош 24-тӥ толшоре температура ӝутскоз. Со сярысь улосвыл Гидрометцентрлэн пресс-службаез ивортӥз.

Кӧснуналэ потон уе Удмуртиын Арктикаысь антициклон кузёяськоз на, шӧдскымон лымы усьыны кулэ ӧвӧл. Температура -20…-25 градусозь лэзькоз. Нуназе элькунмы пала паськыт циклонлэн шуныт фронтэз вуоз, дырын-дырын лымыялоз, температура -13…-18 градус луоз.

Арнянуналэ, 24-тӥ толшоре, куазь шӧдскымон шуныт кариськыны кутскоз. Уйин -12…-15 градус котырын возиськоз, ӝытпал температура 0…-5 градусозь ӝутскоз. Нунал ӵоже лымыялоз, нош ӝытпал кот лымы усёз

Вордӥськонэ потон уе, 25-тӥ толшоре, кот лымыез зорен суро лымы воштоз но вордӥськонэ нуназе но озьы ик возиськоз. Температура уйин но нуназе -2...+3 градус луоз
Удмуртиысь Гидрометцентрлэн пресс-службаез

24-тӥ но 25-тӥ толшоре сюресъёс вылын секыт югдур кылдоз, со нуналъёсы йӧвалег, интыосын бус луыны быгатоз шуыса чаклало.

Нырысь-валысь чакланъёсъя, 26-тӥ толшорысен каллен кезьытскыны кутскоз.



Наверх
Вниз