Вуись шутэтскон нуналъёсы Удмуртиын Арктикаысь омыр кузёяськоз, соин валче куазь та вакытлы эсэпъёслэсь кезьыт возиськоз. Со сярысь улосвыл Гидрометцентрлэн пресс-службаез ивортӥз.
21-тӥ тулыспалэ потон уе температура -27…-32, куд-ог интыосын -35 градусозь лэзькоз, нуназе -14…-19 градус котырын возиськоз.
22-тӥ тулыспалэ потон уе -28…-33, интыосын -36 градусозь, нуназе -18…-23 градус луоз шуыса чаклало.
Нырысь-валысь чакланъёсъя, вуоно арняе но таяз толалтэ понна тужгес кезьыт нунал 23-тӥ тулыспалэ луоз
23-тӥ тулыспалэ потон уе температура -31…-36, интыосын -38…-39 градусозь лэзькоз, нуназе -20…-25 градус луоз. Вылаз ик тӧл кужмоялоз - секундскын 12-14 метрозь пельтоз. Соин ик температура эшшо улӥынгес кадь потоз.
Та нуналъёсы шӧдскымон лымыяны кулэ ӧвӧл. Сюресъёс вылын йӧвалег луоз
Нырысь чакланъёсъя, вуоно арняе куазь кезьыт улоз, температура ӧжыт гинэ ӝутскыны быгатоз.