Ижкар+12 °C
10 -тӥ куартолэзь 2021 Вордӥськон
18+

Тӧло но кот куазь вуоз Удмуртие арня шорын

  • 246
  • 0
Ижкар / Удмуртия
Тӧло но кот куазь вуоз Удмуртие арня шорын
Туспуктэм: Майя Бывальцева

Та арня шорын Удмуртие тӧло но кот куазь вуоз. Со сярысь улосвыл Гидрометцентрлэн пресс-службаез ивортӥз.

Ӵуказе Удмуртиын шундыё но кӧс луоз, арня шорын куазь воштӥськоз, тӧло но кот луоз. Та арня пумозь температура та вакытлы эсэпъёслэн вылӥынгес возиськоз
Удмуртиысь Гидрометцентрлэн пресс-службаез

30-тӥ южтолэзе потон уе -2…-7 градус луоз, нуназе омыр +5…+10 градусозь шуналоз. Уйин но ӵукна интыосын сюрес вылын йӧвалег.

31-тӥ южтолэзьысен ужан арня пумозь куазез Уйпал Атлантикаысь циклон лэсьтоз. Дырын-дырын зороз но лымыялоз. Озьы ик вирнуналысен тӧл кужмоялоз, тужгес зол секундскын 15-17 метрозь пельтоз. Уйин -1…-6, нуназе +2…+7 градус возиськоз.

Тӧл арня пумын гинэ лапкомоз.

Кылем арняе Ижкарын температурая рекордъёс выльдӥськизы. 25-тӥ южтолэзе +7,6 градус пусйизы, нош 1981-тӥ арын +7,5 градус вал. 26-тӥ южтолэзе 1939-тӥ арысен возиськем рекорд (+9,7 градус) выльдӥськиз, со нуналэ омыр 10,2 градусозь шуназ

Оштолэзьлэн нырысетӥ нуналъёсаз уйин но нуназе температура ноль градуслэсь вылӥе ӝутскоз: уйин 0…+5, нуназе +3…+8 градусозь.

Нырысь-валысь чакланъёсъя, шутэтскон нуналъёсы куд-ог интыосын зор-кот усёз, температура шӧдскымон уз воштӥськы.




Наверх
Вниз