Ижкар+18 °C
9 -тӥ куартолэзь 2021 Воскресенье
18+

Удмуртиысь нюлэсъёсын тылпулэсь утиськонъя нимысьтыз режим кутӥзы 30-тӥ оштолэзьысен

  • 502
  • 0
Ижкар / Удмуртия
Удмуртиысь нюлэсъёсын тылпулэсь утиськонъя нимысьтыз режим кутӥзы 30-тӥ оштолэзьысен
Туспуктэм: Григорий Фомин

30-тӥ оштолэзьысен Удмуртиысь нюлэсъёсын тылпулэсь утиськонъя нимысьтыз режим ялӥзы. Со сярысь элькун тӧролэн но кивалтэтлэн пресс-службазы ивортӥз.

Та нуналысен элькунысь вань нюлэсъёсын тылскыны, жуг-жаг, кӧс турын но кораськем бервылъёсты сутыны, тылпу потон кышкытлык вайись мукет ужъёс нуыны уг яра.

Тылпулэсь утиськонъя нимысьтыз режимез тӥям понна административной кылкутон чакламын.

Нимаз адямиослы штраф 4 сюрсысен 5 сюрс манетозь луоз, ужоскето муртъёслы – 20 сюрсысен 40 сюрс манетозь, юридик огазеяськонъёслы – 300 сюрсысен 500 сюрс манетозь. Со сяна, тылпулэсь утиськон куронъёсты тӥямен серен нюлэскын тылпу потӥз ке, уголовной кылкутон чакламын
Денис Удалов, Удмуртиысь инкуазь узырлыкъёсъя но инкуазез утёнъя министр


Пусъём, 2021-тӥ арын тылпу потонлы кышкытлыко вакыт кутскем дырысен элькунысь нюлэсъёсын куать тылпуосты пусйизы ни ини. «Горд атас» оглом 16,9 гектарез басьтӥз. Нюлэсъёс вӧзысь музъемъёсын сизьым тылпуос кылдылӥзы. Тыл оглом 14,55 гектарез сутӥз. Соосты кысон уже «Удмуртлес» огазеяськонысь 28 ӧнерчиос потазы. Уже 10 пӧртэм техникаез кутӥзы. Нырысь-валысь чакламъя, ваньмыз шимучыръёс адямилэн тылын чакласькытэк выременыз кылдӥзы.

Тылпу потон учыре нюлэсъёсты утён службае 8(3412) 27-13-60, 8-800-100-94-00 номеръёсъя яке тылпулэсь утиськон службае 01, мобильной телефонысь - 101, 112 номеръёсъя жингыртоно

Тодэ вайытом, азьвыл Удмуртиын нюлэсъёсын тылпу потонлы кышкытлыко вакыт 19-тӥ оштолэзе кутскиз. Со сяна, элькунын тылпулэсь утиськонъя нимысьтыз режим ялӥзы, со 31-тӥ куартолэзёзь кыстӥськоз.



Наверх
Вниз