Ижкар+9 °C
16 -тӥ куарусён 2021 Покчиарня
18+

Зоро куазь луоз таяз арняе Удмуртиын

  • 129
  • 0
Ижкар / Удмуртия
Зоро куазь луоз таяз арняе Удмуртиын
Туспуктэм: Руслан Нуриахметов

Таяз арняе Удмуртиын куазь зоро луоз. Со сярысь элькунысь Гидрометцентрлэн пресс-службаез ивортӥз.

Матысь уе куд-ог интыосын кӧня ке зороз, омырын +8…+13 градус луоз.

14-тӥ куарусёнэ шуак шунытгес кариськоз, температура +17…+22 градусозь ӝутскоз. Но нуназе бере элькунэ кезьыт фронт вуоз. Со сьӧраз зоръёс ваёз, куд-ог интыосын гудыръяса зороз. Секундскын 15-18 метрозь кужмояса тӧласькоз.

15-тӥ куарусёнэ озьы ик зороз. Выльысь кезьыт кариськоз. Уйин омырын +4…+9 градус, нуназе +8…+13 градус луоз. Тӧл ӧжыт калленатскоз, секундскын 12-14 метрозь пельтоз.

16-тӥ куарусёнэ но арня пумозь температура эсэплэсь улӥын ик улоз, уйин +1…+6 градусозь, нуназе +6…+11 градусозь возиськоз. Дырын-дырын кӧня ке зорылоз. 



Наверх
Вниз