Ижкар+1 °C
30 -тӥ шуркынмон 2021 Пуксён
18+

Зор-кот ваёз Удмуртие Уйпал Атлантикаысь циклон

  • 285
  • 0
Ижкар / Удмуртия
Зор-кот ваёз Удмуртие Уйпал Атлантикаысь циклон
Туспуктэм: Диана Чайникова

21-тӥ коньывуонэ Удмуртие Уйпал Атлантикаысь циклонлэн шуныт тулкымез вуоз, соин куазь урод луоз. Со сярысь улосвыл Гидрометцентрлэн пресс-службаез ивортӥз.

Нуналлэн кыкетӥ ӝыныяз элькунэ зор-котэн зона вуоз. Нырысетӥ часъёсаз лымыялоз, лымыен суро зороз, интыосын (уката ик уйпал ёросъёсын) сюресъёс вылын гылыт лымы кылдыны быгатоз. Бератаз часъёсы лымы зорен воштӥськоз, со 22-тӥ коньывуонэ потон уёзь возиськоз
Удмуртиысь Гидрометцентрлэн пресс-службаез

Покчиарняе тӧло луоз. Нуназе со секундскын 15-18 метрозь кужмояса пельтоз. Уйин 0…-5, нуназе 0…+5 градус луоз.

22-тӥ коньывуонэ озьы ик зороз, тӧл кӧня ке лапкомоз – секундскын 10-14 метрозь. 23-тӥ но 24-тӥ коньывуонэ интыосын кӧня ке зороз.

Удмуртарняе но кӧснуналэ элькунын циклонлэн шуныт люкетэз кузёяськоз, температура ӝутскоз. Уйин +2…+7, нуназе +6…+11 градус возиськоз.

Нырысь-валысь чакланъёсъя, арянуналэ Удмуртия пыр кезьыт фронт ортчоз, температура лэзькыны кутскоз, вуоно арня кутсконын интыосын кӧня ке лымыялоз.



Наверх
Вниз