Куартолэзьлэн нырысетӥ декадаяз куазь Удмуртиын вошъяськись луоз. Со сярысь «ВКонтакте» Удмурт гидрометцентрлэн пресс-секретарез Алла Шумихина ивортӥз.
Кык шутэтскон нуналъёс пӧлысь кырын вань ужъёсты 5-тӥ куартолэзьлы чаклано. 6-тӥ куартолэзе зорыны быгатоз, озьы ик тӧло луоз. Оло нош, зоръёс 7-тӥ куартолэзе потон уе гинэ вуозы, яке воксё палэнэтӥ ортчозы — соос пумозяз ӧз валатске на
Алла Шумихина, Удмурт гидрометцентрлэн пресс-секретарез
Туннэ, 3-тӥ куартолэзе, Удмуртиын шуныт фронт улсын +12…+15 градус луоз. Дырын-дырын зороз, гудыръяны но быгатоз. Уйин шундыӝужан но шор ёросъёсын зороз.
4-тӥ но 5-тӥ куартолэзе элькунын кӧс куазь возиськоз. Удмуртарняе кӧня ке кезьытскоз, +8…+12 градус, тӧл кужмояса пельтоз. Кӧснуналэ потон уе Удмуртиысь куд-ог интыосы кезьыт лыктоз: температура -2…+3 градусозь лэзькоз. Нуназе термометр +10…+15 градус возьматоз.
7-тӥ куартолэзе потон уе Скандинавиысь циклон зор ваёз, арнянуналэ тӧласькоз.
Алла Шумихиналэн кылъёсызъя, 9-тӥ куартолэзьлы куазь сярысь рос-прос вераны уг на луы, соин ик куазен сайтъёсы учкыны толкез ӧвӧл.
