Ижкар+17 °C
21 -тӥ инвожо 2021 Вордӥськон
18+

25 градусозь шунытскоз Удмуртиын вуоно вордӥськонэ

  • 442
  • 0
Ижкар / Удмуртия
25 градусозь шунытскоз Удмуртиын вуоно вордӥськонэ
Туспуктэм: Алексей Арзамасцев

Вуоно вордӥськонэ, 14-тӥ куартолэзе, Удмуртиын 22-25 градусозь шуныт луоз. Со сярысь «ВКонтакте» вотэсбамаз Удмурт гидрометцентрлэн пресс-секретарез Алла Шумихина гожтӥз.

Котькуд нунал шунытгес но шунытгес кариськоз. Арнянуналлы омыр 16–21 градусозь шунытскоз (озьы ик арнянуналэ тӧл ляб пельтоз), вордӥськонэ саюлын 22–25 градус луоз (гужем!!!)
Алла Шумихина, Удмурт гидрометцентрлэн пресс-секретарез

Со ивортэмъя, шунытъёс вуон азьын Удмуртиын кезьытскоз. Матысь уе омырын температура -1 градусозь лэзькоз (элькунлэн уйпалаз), музъем вылын -3 градусозь кынтыны быгатоз. Ӵуказе нуназе 12–17 градусозь шуныт луоз, тӧл лябӟоз. Арня пумозь куазь кӧс возиськоз, кӧснуналэ гинэ интыен ӧжытак зороз.

Улосвыл гидрометцентрлэн пресс-секретарез верамъя, ваньмыз одӥг дыре вожектыны кутскоз. Нош 15-тӥ куартолэзе тӧл уйпала берытскоз, куд-ог ёросъёсын зороз, элькунэ кезьыт куазь вуоз. 16-тӥ куартолэзе озьы ик ыркыт луоз.

Алла Шумихина пусйиз, кезьыт вуэмен ваньмыз сяськаяськыны кутскоз, но сяськаяськон кезьытэз вае шуыса малпан шонер ӧвӧл. Куазь вошъяське: шуныт тулкымъёс бере салкым тулкымъёс вуо. Шуныт куазь сяськаяськонэз кутскытэ, нош ачиз сяськаяськон ыркыт куазь дыръя азьланьтӥське, валэктӥз удысэтлэн пресс-секретарез.



Наверх
Вниз