Ижкар+5 °C
21 куарусён 2019 Кӧснунал
16+

2019-тӥ арын гужем: XXI дауре со Ижкарын тужгес кезьытэз луиз

  • 446
  • 0
Ижкар / Удмуртия
2019-тӥ арын гужем: XXI дауре со Ижкарын тужгес кезьытэз луиз
Туспуктэм: Анжелика Тихонова

Ижкарын туэ гужем XXI даурын тужгес кезьытэз луиз. Со сярысь Удмуртиысь Гидрометцетрлэн пресс-секретарез Алла Шумихина «ВКонтакте» мерлыко вотэсысь огиназ ивортэ.

Дырпусъя гужем ӵоже 30 градус пӧсь куазен одӥг нунал но пусъемын ӧвӧл
Алла Шумихина, Удмуртиысь Гидрометцентрлэн пресс-секретарез

Шоро-куспо температура +15,6 градус луиз. XXI даурын кезьыт гужемъя кыкетӥ инты басьтэ 2002-тӥ ар, куинетӥ интыын – 2001-тӥ ар. Нош кылем дауре кезьыт гужемъёс 1994-тӥ арын, 1992-тӥ арын но 1986-тӥ арын вал.

Малпасько вал, гужеммы берло аръёс ӵоже тужгес котэз луоз. Паймымон, но озьы ӧвӧл. Берпуметӥ 20 ар ӵоже тужгес мускыт гужем 2017-тӥ арын пусъемын, соку 312 мм зор усиз. Туэлэсь трос зориз 2000, 2004, 2012 но 2015 аръёсы
Алла Шумихина, Удмуртиысь Гидрометцентрлэн пресс-секретарез

Туэ гужем ӵоже 259 мм зоръёс усизы. Нош куазез чакланъёс лэсьтон дырысен тужгес зоро гужем вал 1984-тӥ арын – 448 мм.

Туэ гужем 92 нунал пӧлысь 58 нуналзэ Ижкарын зориз

Ӵошатоно ке, 2015-тӥ арын 65 зоро нуналъёсты пусйизы – со 1961-тӥ арысен рекорд.

Матысь нуналъёсы кӧс куазь возиськоз. Нуназе температура +16…+21 градусозь ӝутскоз

Наши партнеры

Наверх
Вниз