100 лет государственности Удмуртии
Ижкар+3 °C
30 -тӥ южтолэзь 2020 Вордӥськон
16+

Туэ тулыс тудву Удмуртиын каньылэн ортчоз шуыса чаклало

  • 515
  • 0
Ижкар / Удмуртия
Туэ тулыс тудву Удмуртиын каньылэн ортчоз шуыса чаклало
Туспуктэм: Алексей Арзамасцев

Тулыс 2020-тӥ арын Удмуртиын тудву каньылэн ортчоз шуыса чаклало. Со ярысь журналистъёслы Россиысь МЧС-лэн элькунъя валтӥсь управлениысьтыз калыкез ву вылын утёнъя ёзэтлэн кивалтӥсез Алексей Анохин вераз.

Элькунысь поисково-спасательной ёзэс шуръёс вамен выжъёсты утён но йӧлэсь ӵыпетъёс кылдонэз алон вылысь пуштытъян ужъёс ортчытыны лэзён басьтӥз ни. Удмуртиысь МЧС-лэн вань кужымъёсыз дась
Алексей Анохин, Россиысь МЧС-лэн элькунъя валтӥсь управлениысьтыз калыкез ву вылын утёнъя ёзэтлэн кивалтӥсез

Тросэз шуръёс усьтӥськизы ни, ву пумен ӝутскоз. Кошкись йӧ тымиськемен сэрен, куд-ог интыосын шуръёс ярдуръёсысьтызы потозы.

Алексей Анохинлэн верамезъя, али элькунын шуръёсысь ву потымтэ на. Тужгес сюлмаськытӥсь югдур Сюмси, Балезино но Кез ёросъёсын луыны быгатоз. Отын йӧлэн зӧкталаез 2017-2018 аръёсы кадь.

Тодэ вайытом, тулыс ву ӝутсконлы дасяськон улсын Удмуртиын 10-тӥ тулыспалысен Иж, Вотка, Камбарка но Яр ёросысь Пудэм тыметъёсысь вуэз лэзьыны кутскизы. Россиысь МЧС-лэн элькунъя валтӥсь управлениезлэн кивалтӥсез Пётр Фомин азьвылгес вераз вал, ву кошкон оштолэзьлэн нырысетӥ декадаяз кутскоз шуыса. 



Наверх
Вниз