Ижкар+6 °C
24 -тӥ куарусён 2020 Покчиарня
18+

11 миллионлэсь трос писпуос мерттӥзы Удмуртиын

  • 335
  • 0
Ижкар / Удмуртия
11 миллионлэсь трос писпуос мерттӥзы Удмуртиын
Туспуктэм: Григорий Фомин

Удмуртиын 11 миллион 500 сюрс пала писпуос мерттӥзы. Со сярысь элькун кивалтэтлэн тӧроез Ярослав Семёнов мерлыко вотэсъёсысь бамъёсаз ивортӥз.

Выль писпуос Вавож, Вотка, Эгра, Сюмси но Ува ёросъёсын кылдӥзы. Соосты Росси азьмуртэн Владимир Путинэн кичӧлтэм «Экология» йӧскалык ӵектос улсын мерттӥзы.

Удмуртиын 2 миллион гектарлэсь трос нюлэсъёс. Соос сак но утялтыса воземез кулэ каро. Со вакытэ ик асьме дорын пуэн ужан производство зол азинске, адямиослы сюрсъёсын ужан инты сётэ. Соин ик нюлэсъёсты коранэз но мерттонэз огкадь возьыны кулэ. 2024-тӥ арлы со 100 процент луыны кулэ, кӧня нюлэсэз корам, сомында ик мерттоно
Ярослав Семёнов, Удмуртиысь кивалтэтлэн тӧроез

2020-тӥ арын ӵектос улсын оглом 8 сюрс 500 гектар музъем вылэ писпуос мерттозы, со пӧлысь 7 сюрс 319 гектарзэ – арендатор чотын.

Тодэ вайытом, Удмуртиын тылпулэсь утиськонъя нимысьтыз режим ялӥзы.



Наверх
Вниз