Ижкар+19 °C
7 -тӥ пӧсьтолэзь 2020 Пуксён
16+

Шӧдскымон ыштонъёс вайиз йӧзор Алнаш ёросын улӥсьёслы

  • 95
  • 0
Алнаш / Удмуртия
Шӧдскымон ыштонъёс вайиз йӧзор Алнаш ёросын улӥсьёслы

27-тӥ инвожое Алнаш ёросэтӥ ортчем кужмо йӧзор гуртоослы шӧдскымон ыштонъёс вайиз. Со сярысь ёрослэн тӧроез Алексей Семёнов «ВКонтакте» мерлыко вотэсысь бамаз ивортӥз.

Адӟылымтэ кужмо йӧзор, бӧдёно пузъёс быдӟа, ёрослэн шундыпуксён палтӥз ортчиз. Дроздовка, Улӥ но Выли Котныр гуртъёсын, Асан но Асан Техникум черкогуртъёсын теплицаоссы тӥямын, укнооссы пильылэмын, машинаоссы изъянтэмын, тросэзлэн вань мерттӥськемъёссы быризы
Алексей Семёнов, Алнаш ёрослэн тӧроез

Та дыре ыштонъёсты чотало. Ёрослэн тӧроез шугадӟонэ шедемъёслэн ваньбурзы страховать каремын вал шуыса оскемзэ вераз.

Озьы ик йӧзор гурт возёсъёслэн 2 сюрс гектар пала музъемъёссы вылысь киземъёсты изъянтӥз. Алексей Семёновлэн ивортэмезъя, тужгес но шугадӟизы «Молодая гвардия» колхоз, «Рассвет» возёс но Степанов П. Г. нимаз ужбергатӥсь.

Ыштонъёс 55 миллион манетлэсь трос луизы
Алексей Семёнов, Алнаш ёрослэн тӧроез




Наверх
Вниз