Ижкар+18 °C
1 -тӥ коньывуон 2020 Покчиарня
18+

Шуак салкым кариськоз Удмуртиын шутэтскон нуналъёсы

  • 69
  • 0
Ижевск / Удмуртия
Шуак салкым кариськоз Удмуртиын шутэтскон нуналъёсы
Туспуктэм: Никита Иванов

Матэктӥсь шутэтскон нуналъёсы, 8-тӥ но 9-тӥ гудырикошконэ, Удмуртиын температура шуак лэзькоз. Со сярысь улосвыл Гидрометцентрлэн пресс-службаез ивортӥз.

Шутэтскон нуналъёс тӧло луозы, шӧдскымон зор-кот усьыны кулэ ӧвӧл. Температура шуак лэзькоз, уйин +9…+14, нуназе +17…+22 градусозь
Удмуртиысь Гидрометцентрлэн пресс-службаез

Куазь 7-тӥ гудырикошконэ сӧриськоз ни. Тросаз ёросъёсын зороз, куд-ог интыосын гудыръяса. Тӧл секундскын 15-20 метрозь кужмояса пельтоз. Нуназе уйпал ёросъёсын +20…+23 градус луоз, кылемаз интывылын +23…+28 градус возиськоз.

Нырысь-валысь чакланъёсъя, вуоно арня кутсконын озьы ик тӧло луоз, температура лэзькоз.



Наверх
Вниз