21 -тӥ коньывуон 2020 Вирнунал
18+

Шуккиськем бурдо юсез утизы Сюмси ёросын

  • 85
  • 0
Сюмси / Удмуртия
Шуккиськем бурдо юсез утизы Сюмси ёросын
Туспуктэм: vk.com (Зоопарк Ижевск)

Сюми ёросын шуккиськем бурдо юсез утизы. Со сярысь Удмуртиысь зоопарклэн «ВКонтакте» мерлыко вотэсысь огиназ ивортӥзы.

Тылобурдолэн улэп кыльыны луонлыкез туж ӧжыт вал. Бурдэз шуккиськемен сэрен со лымшор палъёсы лобӟыны уз быгаты
Удмуртиысь зоопарклэн пресс-службаез

15-тӥ коньывуонэ зоопаркысь орнитологъёс Сюмси ёросэ вылӥзы. Али утем юсь ветеринари ёзэтын ни, отын со матысь 30 нуналъёсы карантинын улоз. Тылобурдолы ӝыны ар пала, бурдэз гольык ез шоры шуккиськыса вӧсь луэмын. Зоопарке ветлӥсьёс юсез вуоно арын тулыс адӟыны быгатозы ни.

Зоопаркын пусъё, тылобурдоез инкуазьысь басьтыны озьы гинэ уг луы. Нырысь ик валаны кулэ, солэн тазалыкез умой но зоопаркын мукет улӥсьёслы кышкытлык уз вайы шуыса. Со сяна, Удмуртиысь инкуазь узырлыкъя министерство тылобурдоез басьтыны лэзьыны кулэ.

Тодэ вайытом, Удмуртиын мушъёсты утьыны юрттӥсь сервис кылдытӥзы



Наверх
Вниз