Ижкар+1 °C
30 -тӥ шуркынмон 2021 Пуксён
18+

30-тӥ шуркынмонэ Удмуртиын пилемо улоз. Кот лымы усёз, зороз. Со сярысь элькунысь Гидрометцентрлэн пресс-службаез ивортӥз.

Тӧл уйин лымшор но шундыӝужан вискысь, нуназе лымшор палась секундскын 8-13 метре пельтоз. Нуназе секундскын 15-18 метрозь кужмояса пельтылоз. Элькунъя уйин но нуназе -3…+2 градус возиськоз, Ижкарын уйин 0…-2, нуназе 0…+2 градус луоз. Уйин куд-ог интыосын бус вӧлскоз. Сюресъёс вылын йӧвалег.

Куазез чакласьёс пусъё, матысь уй-нуналэ кот лымы усем но зорем сяна (шуркынмонлы эсэплэн 30-35 процентэз усёз шуыса возьмало), йӧӟектӥсь зор но усьыны быгатоз. 

Тодэ вайытом, та арня ӵоже нуналлы быдэ кот лымы усёз но зороз шуыса чаклало. 

Кезын Лып шурлэсь 500 метръем вайшурзэ сузянэз йылпумъязы. Туэ отысь сумедэз поттӥзы, ӧрзэ муромытӥзы, куашкась ярдуръёссэ юнматӥзы. Со сярысь Удмуртиысь кивалтэтлэн тӧроез Ярослав Семёнов «ВКонтакте» мерлыко вотэсысь бамаз ивортӥз.

Солэн кылъёсызъя, шуръёсты но бызись ошмесъёсты сузян инкуазез утёнэн гинэ герӟаськемын ӧвӧл, со туж кулэ ке но. Эшшо одӥгез ужпум – калыкез кышкытлыклэсь утён.

Та пичи шур сярысь верано ке, тулыс но зор бере ву ӝутскон дыръя со вӧзысь интые ялан ву потылӥз. Сузям бере ву ӧрысьтыз сокем уз поты. Быдэстэм ужъёс 3 гектар пала интыез вуэ улэ шедемлэсь утёзы, отын 63 адями улэ
Ярослав Семёнов, Удмуртиысь кивалтэтлэн тӧроез

Тодэ вайытом, Лыплэсь вайшурзэ сузянэз гужем кутскизы. Ужъёсты федерал коньдэт коньдэтысь вуэм уксёен быдэстӥзы.

Со сяна, «Экология» йӧскалык ӵектос улсын туэ Вавож ёросысь Ува шурлэсь 4,4 иськемзэ сузянэз йылпумъялозы, азьвылгес веразы вал, ужъёс чакламлэсь ӝоггес мыно шуыса. Валтӥсез ужпум – вулэсь ӟечлыксэ, будосъёсын но лулосъёсын югдурез умоятон. 

Таяз арняе Удмуртиын кот лымы усьылоз но зорылоз шуыса чаклало. Со сярысь элькунысь Гидрометцентрлэн пресс-службаез ивортӥз.

Арня кутсконын, Европалэн лымшор палъёсысьтыз шуныт но кот омыр вуэмен, Удмуртиын температура кӧня ке ӝутскоз.

1-тӥ толсуре уй-нунал ӵоже -3…+2 градус возиськоз. Уйин бус вӧлскыны быгатоз, со сяна, кот лымы усёз, зороз, нуназе – ӧжытгес.

2-тӥ толсуре потон уе кема дыр ӵоже кот лымы усёз, озьы ик нуназе но лымыялоз на. Омырын каллелен кезьытгес кариськыны кутскоз. Температура ӵукна 0…-5 градус луоз, нош ӝытлы -5…-7 градусозь лэзькоз.

3-тӥ толсуре эшшо кезьытгес луоз: уйин -5…-10 градусозь, нуназе -1…-6 градусозь.

Сюресъёс вылын быдэс арня ӵоже йӧвалег луоз.

Нырысь-валысь чакланъёсъя, шутэтскон нуналъёсы но лымыяны, зорыны быгатоз, тӧл кужмояса пельтоз.

29-тӥ шуркынмонэ Удмуртиын пилемо улоз, сайкиськылоз. Уйин дырын-дырын лымыялоз, кот лымы усёз, нуназе интыосын зорен суро лымы кӧня ке усёз. Со сярысь Россиысь МЧС-лэн элькунъя валтӥсь управлениезлэн пресс-службаез ивортӥз.

Тӧл лымшор палась секундскын 7-12 метре пельтоз. Элькунъя уйин но нуназе -3…+2 градус возиськоз. Сюресъёс вылын йӧвалег.

Омыр зӥбет луло узвесь юбоя 747 миллиметр луоз, омырлэн мускытлыкез – 83 процент. 

27-тӥ шуркынмонэ Удмуртиын пилемо улоз, нуназе сайкиськылоз. Кӧня ке лымыялоз, кот лымы усёз. Со сярысь Россиысь МЧС-лэн элькунъя валтӥсь управлениезлэн пресс-службаез ивортӥз.

Тӧл лымшор но шундыпусксён вискысь секундскын 9-14 метре пельтоз. Элькунъя уйин -1…-6, нуназе -4…+1 градус возиськоз. Сюресъёс вылын йӧвалег.

Омыр зӥбет луло узвесь юбоя 747 миллиметр луоз, омырлэн мускытлыкез – 80 процент. 

26-тӥ шуркынмонэ Удмуртиын пилемо улоз, уйин но нуназе кӧня ке лымыялоз, кот лымы усёз, интыосын золгес. Со сярысь Россиысь МЧС-лэн элькунъя валтӥсь управлениезлэн пресс-службаез ивортӥз.

Тӧл уйин шундыпуксён палась секундскын 5-10 метре, нуназе лымшор но шундыпуксён вискысь секундскын 9-14 метре пельтоз. Уйин элькунъя -4…-9 градус, нуназе -4…+1 градус возиськоз. Сюресъёс вылын лымы вӧлдӥськоз, йӧвалег луоз.

Омыр зӥбет луло узвесь юбоя 745 миллиметр луоз, омырлэн мускытлыкез – 83 процент. 

25-тӥ шуркынмонэ Удмуртиын пилемо улоз, уйин дырын-дырын ӧжыт лымы усёз, нуназе золгес лымыялоз. Со сярысь Россиысь МЧС-лэн элькунъя валтӥсь управлениезлэн пресс-службаез ивортӥз.

Тӧл лымшор палась секундскын 6-11 метре пельтоз. Уйин элькунъя -9…-14 градус, нуназе -2…-7 градус возиськоз. Сюресъёс вылын лымы вӧлдӥськоз, йӧвалег луоз.

Омыр зӥбет луло узвесь юбоя 741 миллиметр луоз, омырлэн мускытлыкез – 87 процент. 

24-тӥ шуркынмонэ Удмуртиын пилемо улоз, сайкиськылоз, интыосын кӧня ке лымыялоз. Со сярысь Россиысь МЧС-лэн элькунъя валтӥсь управлениезлэн пресс-службаез ивортӥз.

Тӧл шундыпуксён палась, лымшор но шундыпуксён вискысь секундскын 5-10 метре пельтоз. Уйин элькунъя -10…-15 градус, нуназе -7…-12 градус возиськоз. Сюресъёс вылын йӧвалег.

Омыр зӥбет луло узвесь юбоя 744 миллиметр луоз, омырлэн мускытлыкез – 87 процент. 

23-тӥ шуркынмонэ Удмуртиын пилемо улоз, дырын-дырын кӧня ке лымыялоз. Со сярысь Россиысь МЧС-лэн элькунъя валтӥсь управлениезлэн пресс-службаез ивортӥз.

Тӧл шундыпуксён палась секундскын 9-14 метре пельтоз. Уйин но нуназе элькунъя -4…-9 градус возиськоз. Сюресъёс вылын йӧвалег.

Омыр зӥбет луло узвесь юбоя 736 миллиметр луоз, омырлэн мускытлыкез – 85 процент. 

Тодэ вайытом, улосвыл Гидрометцентр ивортэмъя, арня шорын элькунын 20 градусозь кезьыт кариськоз. 

Та арняе Удмуртиын 20 градусозь кезьытскоз, лымы трос усьыны кулэ ӧвӧл. Со сярысь улосвыл Гидрометцентрлэн пресс-службаез ивортӥз.

Ортчем шутэтскон нуналъёсы элькунын толэзьем эсэплэн 10-40 процентэз лымы усиз, тӧдьы шобрет 10-15 сантиметрозь будӥз. Таяз арняе ужан нуналъёсы дырын-дырын ӧжыт лымыялоз, удмуртарняе гинэ куазь тросгес лымызэ ӝоктоз.

Арня шорозь Удмуртие Арктикаысь кезьыт омыр вуоз, температура лэзькоз. 23-тӥ шуркынмонэ нунал ӵоже -5…-10, 24-тӥ шуркынмонэ -10…-15 градус луоз.

Покчиарняе, 25-тӥ шуркынмонэ, термометрлэн пусэз -15…-20 градусозь лэзькоз, нуназе -6…-12 градус котырын возиськоз.

Удмуртарняе, 26-тӥ шуркынмонэ, выльысь шунытскоз: уйин -8…-134, нуназе -1…-6 градусозь. Куд-ог интыосын йӧвалег кылдыны быгатоз, тӧл секундскын 10-14 метрозь кужмоялоз.

Нырысь-валысь чакланъёсъя, шутэтскон нуналъёсы температура та вакытлы эсэпъёслэсь вылӥынгес возиськоз, шӧдскымон лымыяны кулэ ӧвӧл. 

22-тӥ шуркынмонэ Удмуртиын пилемо улоз, дырын-дырын ӧжыт лымыялоз, интыосын золгес. Со сярысь Россыись МЧС-лэн элькунъя валтӥсь управлениезлэн пресс-службаез ивортӥз.

Тӧл шундыпуксён палась, лымшор но шундыпуксён вискысь секундскын 7-12 метре пельтоз. Элькунъя уйин -3…-8, нуназе -1…-6 градус возиськоз. Сюресъёс вылын лымы пуктосъёс, йӧвалег.

Омыр зӥбет луло узвесь юбоя 728 миллиметр луоз, омырлэн мускытлыкез – 84 процент.

Вуись шутэтскон нуналъёсы Удмуртиын куазь тӧло но лымыё луоз шуыса чаклало. Со сярысь элькунъя Гидрометцентрлэн пресс-службаез ивортӥз.

20-21 шуркынмонэ нуназе кема дыр ӵоже лымыялоз, кот лымы усёз. 21-тӥ шуркынмонэ потон уе куд-ог интыосын зол лымыялоз.

Температура та вакытлы эсэпъёслэсь вылӥынгес возиськоз. 20-тӥ шуркынмонэ уй-нунал ӵоже 0…-5 градус, 21-тӥ шуркынмонэ -4…+1 градус возиськоз.

22-тӥ шуркынмонысен куазь ӧжыт воштӥськоз. Дырын-дырын кӧня ке лымыялоз, уйин температура -2…-7 градусозь, нуназе 0…-5 градусозь лэзькоз.

Сюресъёс вылын лымы вӧлдӥськоз, йӧвалег луоз.

Нырысь-валысь чакланъёсъя, вуоно арня шорын температура -8…-13 градусозь лэзькоз.

Тодэ вайытом, зол лымыянэз возьмамен валче Ижысь вань кар ёзэсъёс вылӥ дасьлыкъя ужан режиме выжтэмын

19-тӥ шуркынмонэ Удмуртиын пилемо улоз, нуназе сайкиськылоз, уйин дырын-дырын кӧня ке лымыялоз, нуназе интыосын кот лымы усёз. Со сярысь Россиысь МЧС-лэн элькунъя валтӥсь управлениезлэн пресс-службаез ивортӥз.

Тӧл лымшор но шундыпуксён вискысь секундскын 8-13 метре пельтоз. Элькунъя уйин -3...-8, нуназе 0...-5 градус возиськоз. Уйин но ӵукна сюресъёс вылын йӧвалег.

Омыр зӥбет луло узвесь юбоя 746 миллиметр луоз, омырлэн мускытлыкез – 86 процент. 

18-тӥ шуркынмонэ Удмуртиын пильмаськылоз, уйин лымы усьыны кулэ ӧвӧл, нуназе ӧжыт лымыялоз. Со сярысь Россиысь МЧС-лэн элькунъя валтӥсь управлениезлэн пресс-службаез ивортӥз.

Тӧл уйин уйпал но шундыӝужан вискысь, нуназе лымшор палась секундскын 4-9 метре пельтоз. Элькунъя уйин -16...-21, нуназе -3...-8 градус возиськоз. Сюресъёс вылын йӧвалег.

Омыр зӥбет луло узвесь юбоя 753 миллиметр луоз, омырлэн мускытлыкез – 95 процент. 

17-тӥ шуркынмонэ Удмуртиын пилемо улоз, дырын-дырын лымыялоз, уйин куд-ог интыосын золгес. Со сярысь Россиысь МЧС-лэн элькунъя валтӥсь управлениезлэн пресс-службаез ивортӥз.

Тӧл уйин шундыпуксён палась, нуназе уйпал но шундыпуксён вискысь секундскын 8-13 метре пельтоз. Уйин -3…-8, нуназе 0…-5 градус возиськоз. Сюресъёс вылын лымы шобрет, йӧвалег.

Омыр зӥбет луло узвесь юбоя 745 миллиметр луоз, омырлэн мускытлыкез – 92 процент. 

Выль ар шулдыръяськонъёс азьын Удмуртиын кызъёсты возьманъя рейдъёс кутско. Лысо писпуосты йыртэмасьёслэсь утён понна квадрокоптеръёсты но фотоловушкаосты уже кутозы. Со сярысь элькунысь инкуазь узырлыкъёсъя но инкуазез утёнъя министерстволэн пресс-службаез ивортӥз.

16-тӥ шуркынмонысен 31-тӥ толсурозь министерствоысь ӧнерчиос полицейскойёсын ӵош нюлэсъёсты чакланэз кужмоятозы, озьы ик выль ар кызъёсты нуллӥсь транспортэз эскерозы. Со сяна, кызъёсын вузкарон интыосы но вуылозы.

Писпуосты катэз тӥяса корам понна, ваем изъянлэсь быдӟалазэ лыдъяса, административной но уголовной кылкутон чакламын.

Административной штрафлэн быдӟалаез:

  • нимаз адямиослы – 4-5 сюрс манет
  • нимаз ужбергатӥсьёслы (ИП) – 40-50 сюрс манет
  • юридик огазеяськонъёслы – 300-500 сюрс манет

Нюлэс фондлы изъянлэн быдӟалаез 5 сюрс манетлэсь трос ке, янгыш муртэ уголовной кылкутон улэ кыскозы.

Писпуосты катэз тӥяса корам сярысь тодыса вылысь басьтэм, возем, нуллэм яке вузам понна 5 сюрс манетысен 700 сюрс манетозь административной штраф тырытыны быгатозы.

Нюлэс катрадылкез тӥям сярысь министерстволэн диспетчер управленияз 9 (3412) 27-13-60 телефон номеръя жингыртыны луэ.

Тодэ вайытом, кылем арын выль арлы кызъёсын вузкарон базаръёсты Ижкарын 15-тӥ толсуре усьтӥзы

16-тӥ шуркынмонэ Удмуртиын пилемо улоз, сайкиськылоз. Уйин лымыяны кулэ ӧвӧл, нуназе ӧжыт лымыялоз, интыосын золгес. Со сярысь Россиысь МЧС-лэн элькунъя валтӥсь управлениезлэн пресс-службаез ивортӥз.

Тӧл уйин уйпал но шундыпуксён вискысь секундскын 2-7 метре пельтоз, нуназе – лымшор но шундыпуксён вискысь секундскын 8-13 метре. Уйин элькунъя -7…-12, нуназе -3…-8 градус возиськоз.

Сюресъёс вылын лымы пуктосъёс, лымы шобрет но йӧвалег.

Омыр зӥбет луло узвесь юбоя 753 миллиметр луоз, омырлэн мускытлыкез – 75 процент. 

Удмуртиысь зоопаркын гондыр толалтэ кӧлон дырлы дасяськыны кутскиз. Со сярысь ужъюртлэн пресс-службаез ивортӥз.

Тол ас кужымаз пыре! Зоопаркысь валтӥсь куазез чаклась, Гоша курень гондыр, кӧлыны гузэ дася
Удмуртиысь зоопарклэн пресс-службаез

Кылем арын курень гондыр та нуналъёсы ик калык азе потамысь дугдӥз. Нош тулыс Гоша 24-тӥ южтолэзе сайказ. 

Тодэ вайытом, таяз арняе Удмуртиын -19 градусозь кезьытскылоз ни. 

Таяз арняе Удмуртиын 19 градусозь кезьытскоз. Со сярысь улосвыл Гидрометцентрлэн пресс-службаез ивортӥз.

16-тӥ шуркынмонэ нуназе бере элькун доры уйпал но шундыпуксён палась циклон матэктоз, ӧжыт но тросгес лымы усёз. Вирнуналэ потон уе озьы ик лымыялоз. Уйин -6…-11, нуназе 0…-5 градус возиськоз.

18-тӥ шуркынмонэ потон уе шуак кезьытскоз, температура -14…-19 градусозь лэзькоз. Уз лымыя. Нуназе -2…-7 градусозь шунытскоз, дырын-дырын ӧжыт лымыялоз. Интыосын йӧвалег луыны быгатоз.

Удмуртарняе, 19-тӥ шуркынмонэ, уйин но нуназе -1…-6 градус луоз, интыосын кӧняке лымыялоз.

Арня ӵоже сюресъёс вылын йӧвалег, лымыё нуналъёсы – лымы шобрет.

Нырысь-валысь чакланъёсъя, шутэтскон нуналъёсы Удмуртиын куазь шуныт но лымыё луоз. 

15-тӥ шуркынмонэ Удмуртиын пилемо улоз, сайкиськылоз. Уйин уз лымыя, нуназе куд-ог интыосын лымы кӧня ке усёз. Со сярысь Россиысь МЧС-лэн элькунъя валтӥсь управлениезлэн пресс-службаез ивортӥз.

Тӧл лымшорысь шундыпуксён пала воштӥськыса секундскын 3-8 метре пельтоз. Уйин элькунъя -10…-15, нуназе -4…-9 градус возиськоз.

Омыр зӥбет луло узвесь юбоя 752 миллиметр луоз, омырлэн мускытлыкез – 72 процент. 

Наверх
Вниз