Ижкар-4 °C
27 -тӥ толшор 2021 Вирнунал
18+

Удмурт киужъёслы сӥзем книга «Арлэн книгаез» росси вожвылъяськонын вормиз

  • 142
  • 0
Ижкар / Удмуртия
Удмурт киужъёслы сӥзем книга «Арлэн книгаез» росси вожвылъяськонын вормиз
Туспуктэм: Руслан Нуриахметов

«Удмуртия» издательстволэн удмурт киужъёслы но кибашлыослы сӥзем книгаез Россиысь книга поттӥсьёслэн ассоциациенызы ортчытэм ««Лучшие книги года – 2019» вожвылъяськонын вормиз. Со сярысь ивортодэтъя «Удмуртия» агентстволы издательстволэн кивалтӥсез Юрий Кузнецов вераз.

«Лучшее издание, вносящее вклад в диалог культур» номинациын вормиз книгамы «Секреты удмуртских мастеров». Со ми понна нырысьсэ! <…> Та ӵошатскон милям лыдӟиське, кызьы «Оскар», ТЭФИ. Самой бадӟым ӵошатскон, <…> со шудлэсь но шуд!
Юрий Кузнецов, «Удмуртия» книгапоттоннилэн кивалтӥсез

Вожвылъяськонлы йылпумъянъёс 17-тӥ толсуре Москваын онлайн амалэн лэсьтӥзы. Конкурсэ Россиысь 128 издательствоос пыриськизы, соос 400-лэсь трос книгаоссэс возьматӥзы. «Удмуртия» издательство куинь ужзэ келяз вал.

Юрий Кузнецовлэн верамезъя, бӧрсьысь кыкетӥ арзэ ни конкурслэсь Гран-призэ «Возрождение Тобольска» фондлэн издательствоез утэ. Таяз ардэ «Россиысь арлэн книгаез» луиз отын поттэм Антов Чеховлэн «Остров Сахалин» книгаез.

Со выль амалъёсты кутыса, голографиен но, мар но каремын, лэся, туж трос коньдон куштыса лэсьтэмын. Милемлы но вань кытчы будыны. Со понна ик уго пыриськиськом пӧртэм фестивальёсы но, ӵошатсконъёсы но, малы ке шуоно со зэмзэ но будыны луонлык сётэ
Юрий Кузнецов, «Удмуртия» книгапоттоннилэн кивалтӥсез

Али издательствоын эшшо одӥг вожвылъяськонлы йылпумъянъёс лэсьтэмез возьмало. Ар ӵоже ортчылэм конкурсъёсъя Россиысь устоосызлэсь 50 улосвыл книгаослэсь лыдметсэс кылдыто, «Удмуртия» книгапоттоннилэн ужъёсыз отчы но шедёзы шуыса бадӟым луонлык вань.

Тодэ вайытом, «Секреты удмуртских мастеров» (12+) книгаез Удмуртилэн кунлыкезлы 100 ар но Удмурт комиссариатлэн издательской ужъя ёзэтаз нырысетӥ книгаос потэм дырысен 100 ар тырмонлы сӥзьыса поттӥзы.



Наверх
Вниз