Ижкар-1 °C
25 -тӥ толшор 2021 Вордӥськон
18+

«Удмуртия» издательстволэн куинь книгаез Россиысь 50 устоосыз книгаос пӧлы пыризы

  • 107
  • 0
Ижкар / Удмуртия
«Удмуртия» издательстволэн куинь книгаез Россиысь 50 устоосыз книгаос пӧлы пыризы
Туспуктэм: Руслан Нуриахметов

«Удмуртия» издательстволэн куинь книгаез 2019-тӥ арлы йылпумъянъёсъя улосвыл издательстволэн 50 устоосыз книгаоссы пӧлы пыризы. Лыдмет Россиысь книга поттӥсьёслэн ассоциацизылэн «Лучшие книги года» вожвылъяськонэз улсын экспертъёслэн йылпумъянъёссыя кылдытэмын. Со сярысь ивортодлэтъя «Удмуртия» агентстволы элькунысь издательстволэн кивалтӥсез Юрий Кузнецов вераз.

50 устоосыз книгаос пӧлы шедизы: «Мифы, легенды, сказки удмуртского народа» (6+), «Секреты удмуртских мастеров» (12+), «Сарапул – жемчужина Прикамья» (12+).

Ми со списокез учким но, шумпотыса но абдраса но усиськом вал ини, малы ке гшуоно «Удмуртия» издательстволэн историяз нырысьсэ куинь книга пыремын тань та огазеям списоке. Со туж бадӟым вормон ми понна
Юрий Кузнецов, «Удмуртия» книгапоттоннилэн кивалтӥсез

Издательство вожвылъяськонэ куинь книгазэ келяз вал, пусйизы куиньзэ ик. «Секреты удмуртских мастеров» Россиысь книга поттӥсьёслэн ассоциациенызы ортчытэм ««Лучшие книги года – 2019» конкурсын вормиз ни вал, нош «Мифы, легенды, сказки удмуртского народа» Печатья но калыке ивортодэт вӧлмытонъя федерал агентстволэн вожвылъяськоназ диплом басьтӥз. Соин ик, Юрий Кузнецовлэн верамезъя, та ужъёссы лыдметэ пырозы шуыса юн оскизы, нош «Сарапул – жемчужина Прикамья» книгазылэн отчы шедемез возьмамтэ шорысьгес, но соин валче уката шумпотымон луиз.

Вераны кулэ, пусъем книгаос пӧлысь кыксэ - кибашлыослы но Сарапуллы сӥземъёссэ - издательствоын ужасьёс быдэсак асьсэос лэсьтӥзы.

Кыкез быдэсак, кутсконысеныз пумозяз, «Удмуртитя» издательстволэн лэсьтэм ужез. Малпан бордысен, составительской уж бордысен, туспуктэмъёс, дизайн – ваньмыз милям. Россиын ӧжыт, дыр, сыӵе издательствоос, ӵемысьгес ик возьмало, кин автор лыктоз, кин мар
Юрий Кузнецов, «Удмуртия» книгапоттоннилэн кивалтӥсез

Юрий Кузнецовлэн верамезъя, дунъясьёс книгаосты пӧртэм ласянь эскеро: шрифтлэсь быдӟалазэ, текстлэсь но суредлэсь интыяськемзэс, кагазлэсь буёлзэ, выль амалъёсты уже кутэмез. «Удмуртия» издательстволэн кивалтӥсез оске, таяз арын но поттэм книгаоссэс но синйылтытэк уз кельтэ.

Оскиськом, вуоно аре но урод уз луы, малы ке шуоно тани таиз ортчись ар туж узыр вал йӧно книгаосын, кудъёссэ возьыт ӧвӧл Россиын но, кытын ке калыккуспо фестивальёсын но возьматыны.
Юрий Кузнецов, «Удмуртия» книгапоттоннилэн кивалтӥсез

Тодэ вайытом, 2019-тӥ арын улосвыл издательствоослэн 50 устоосыз книгаоссы пӧлы «Удмурты: тайна тамги» но «Музей-заповедник Лудорвай» книгаоссы шедиз вал (2018-тӥ арлы йылпумъянъёсъя), 2018-тӥ арын - Михаил Атамановлэн «Удмуртия» издательствоен поттэм «Происхождение удмуртского народа» монографиез (2017-тӥ арлы йылпумъянъёсъя). Солэсь азьвыл - «Удмуртские народные мифы и легенды».



Наверх
Вниз