0+
24-31 толшоре Ижкарысь адӟытонъёсъя «Галерея» центрын Энвиль Касимовлэн ужъёсыныз «Начало» выставка ортчоз. Ужрад суредасьлэн вордскемез дырысен 60 ар тырмонлы сӥземын. Со сярысь «Удмуртская правда» газет ивортӥз.
Возьматонэ Энвиль Касимовлэсь 1991-2020 аръёсы быдэстэм ужъёссэ поттозы
Суредась кӧня ке ужъёсын бичет кылдытыны но сое «Начало. Про рыб» нимаз. Со йылаз-пумаз вуттымтэ серия выль возьматонлэн шорсюлмыз луоз. Со сяна, радъясьёс авторлэсь мукет ӵектосъёссэ но возьматозы: живопись. Графика, объектъёс, видео, кылбуръёс. Ваньмыз со суредасьлэсь, клыбурчилэсь но журналистлэсь творчествоя кылёсбурзэ дунъяны но валаны луонлык сётоз.
Энвиль котьку но сэзь экспериментъёслы дась вал, солэн усьтэм сюлэмо луэмез, куддыр пиналлы укшатӥсь, но зэмос кышкасьтэм луэмез искусствоез но суредась котырысь дуннеез воштылӥзы, умойгес карылӥзы. Касимов котыраз чылкак выль улон кылдытъяз, лулчеберет ласянь гинэ ӧвӧл, солэн туж ӧжытэзлы гинэ зэмос авангардистъёслы валамон быгатонлыкез вал. Ми чаклалом солэн улонысьтыз туж личной – творческой – люкетсэ, кудӥз трос ӵектосъёслы кутскон сётӥз
Тодэ вайытом, Энвиль Касимов 2020-тӥ арын 24-тӥ пӧсьтолэзе улонысь кошкиз.