Дэри ёросысь Совхозной черкогуртын «Культура» йӧскалык ӵектос улсын тупатъям «Совхозный» лулчеберет огъетэз усьтӥзы. Со сярысь Удмуртиысь лулчеберетъя министр Владимир Соловьёв «ВКонтакте» мерлыко вотэсысь бамаз ивортӥз.
2020-тӥ арын «Совхозный» лулчеберет огъет 45 аресъем котырес лыдпуссэ пусйиз. Туэ Совхознойысь лулчеберет юртын вӧлдэт но сиг инъетъёсты, отмосткаосты, электроезъёсты тупатъязы, укноосты вошъязы
Со сяна, учкисьёслы залысь выжез рос-прос лэсьтӥзы, сценаез тупатъязы, коридорысь выжзэ выльдӥзы, учкисьёслы залысь борддоръёсты буязы, юртлэсь вылзэ тупатъязы.
Ужъёсты оглом 3 миллион 122 сюрс 960 манет тыр быдэстӥзы. Элькун коньдэтысь висъям 870 миллион манет тыр выль креслоос пуктӥзы.
Совхознойысь лулчеберет юртын нылпиос, егитъёс но мӧйыос понна 17 огазеяськонъёс ужало. Отчы 262 адями ветлэ.
Тодэ вайытом, кылем ар пумын Яр ёросын выль лулчеберет юртэз усьтӥзы.