Ижкар-1 °C
26 -тӥ толшор 2021 Пуксён
18+

Пельнянь кутӥсьёслэн нюръяськонзы ортчоз Удмуртиын пельнянь фестиваль улсын

  • 73
  • 0
Ижкар / Удмуртия
Пельнянь кутӥсьёслэн нюръяськонзы ортчоз Удмуртиын пельнянь фестиваль улсын
Туспуктэм: Руслан Нуриахметов

«Пельняньлэн дунневыл нуналэз» фестиваль (0+) улсын Удмуртиын пельнянь кутӥсьёслэн ӧнер устолыксыя вожвылъяськонзы ортчоз. Со сярысь ужрадлэн пресс-службаез ивортӥз.

Вожвылъяськонэ калыкез сюдон предприятиосысь ӧнерчиос пыриськыны быгато, котькуд огазеяськонлэсь одӥг адямиен

Конкурс куинь люкетэн ортчоз. Нырысетӥ люкетын тодозы, кин тужгес вакчи дыр куспын 100 пельнянь кутыны быгатэ. Кыкетӥяз тужгес пичи пельнянь кутоно луоз. Куинетӥяз пыриськисьёс кык пумо аспӧртэм пушкесэн сиён дасяны но дунъясьёсты паймытыны тыршозы.

Вожвылъяськонэ пыриськисьлэн эм книжкаез, нимысьтыз дӥськутэз, ужан тӥрлыкез, колӟоез, пызез, пушкесэз аслаз луыны кулэ.

Вормисе куинь люкетъёсын тужгес трос балл люкам пӧрась потоз. 

Вожвылъяськон улсын кутэм вань пельнянез ӟечлэсьтонлы сётозы

Вожвылъяськонэ пыриськон понна куриськонъёсты 31-тӥ толшорозь info@pelmenfest.ru электрон адресъя кутозы, солэсь кабзэ фестивальлэн сайтысьтыз кыскыны луэ.

Тодэ вайытом, сизьыметӥез фестиваль 8-13 тулыспалэ ортчоз. Но Удмуртиын улӥсьёс али ин квестъёсы, видеофлешмобе, туспуктэмъёсъя вожвылъяськонэ пыриськыны быгато. 



Наверх
Вниз