Ижкар-18 °C
26 -тӥ тулыспал 2021 Удмуртарня
18+

Удмурт калык кырӟанъёслы нотаосын «Лулгур» бичет поттӥзы Ижкарын

  • 480
  • 0
Ижкар / Удмуртия
Удмурт калык кырӟанъёслы нотаосын «Лулгур» бичет поттӥзы Ижкарын
Туспуктэм: Ижкар администрацилэн пресс-службаез

Ижкарын «Ассоциация креативных профессионалов» мер огазеяськон удмурт калык кырӟанъёслы нотаосын «Лулгур» бичет поттӥз. Соосты адӟисьтэмъёслэн «Мечтатели» театрысьтызы удмурт калык ансамбле ветлӥсьёс люказы. Со сярысь ивортодэтъя «Удмуртия» агентстволэн корреспондентэзлы мер огазеяськонлэн кивалтӥсез Анастасия Семёнова-Романенко вераз.

Бичетэ 36 удмурт калык кырӟанъёс пыризы

Ӝынызэ коллективе пыриськисьёс асьсэос кырӟазы-веразы, нош кылемзэ – Удмуртиысь адӟисьтэм удмурт нылкышноослэсь бичазы. Экспедициосы ачиз Анастасия Семёнова-Романенко, удмурт коллективлэн старостаез Юлия Козлова кузпалыныз но ӧнерлыко фольклорист ветлӥзы.

Ми тодмоосмы пыр, адӟисьтэмъёслэн огазеяськонзы пыр гуртъёсы потам. <…> Ветлылӥм, кырӟанъёссэс диктофонэ гожъям, записьёссэс, марзы вань, ваньзэ учкылӥм. Бӧрысь со записьёсъя расшифровкаос лэсьтӥм
Анастасия Семёнова-Романенко, «Ассоциация креативных профессионалов» мер огазеяськонлэн кивалтӥсез

Анастасия Семёнова-Романенколэн кылъёсызъя, озьы соос трос материал люказы. Но бичетэ кӧня ке люкетэз гинэ пыриз, уго ваньзэ соос пыр эскерыса, экспертиза ортчытыса бырйизы, пӧлазы азьвыл поттамтэ калык кырӟанъёс гинэ мед луозы шуыса.

11-тӥ тулыспалэ Ижкарын «Лулгур» бичетэн тодматон ортчиз. Ужрадэ Удмуртиысь лулчеберетъя министр Владимир Соловьёв, мер политикая но ужъя министр Татьяна Чуракова, Удмуртиысь калык артистка Надежда Уткина, Кун Кенешысь тодосъя, дышетонъя, лулчеберетъя, туризмъя но йӧскалык политикая ялан ужась ӧрилэн тӧроез Татьяна Ишматова но мукетъёсыз вуылӥзы.

Владимир Соловьёв коллективлы арган кузьмаз, Татьяна Чуракова удмурт калыклэсь лулчеберет сямъёссэ утемзы но азинтэмзы понна Таукаронъёс сётӥз. Нош Надежда Уткина коллективе пыриськись нылкышноосын ӵош кырӟанъёсты быдэстӥз.

Удмурт калык кырӟанъёслэн нотаосынызы «Лулгур» бичетэн тодматон

5 фото

Пусъём, та дыре «Мечтатели» театрлэн удмурт калык ансамбляз 12 адями ветлэ. Анастасия Семёнова-Романенколэн кылъёсызъя, соос арняяз кӧня ке пол пумиськыло: кырӟало, вуоно концертсылы дасясько.

«Лулгур» бичетэн чӧлсконпусъя Удмуртиысь йӧскалык библиотекалэн сайтаз потыса тодматскыны луэ. 

Тодэ вайытом, Удмуртиын улӥсьёс «Анай но нылпи йӧскалык дӥськутэн» калыккуспо фотоконкурсэ (0+) пыриськыны быгато



Наверх
Вниз