Ижкар-18 °C
26 -тӥ тулыспал 2021 Удмуртарня
18+

Удмуртилэсь куараен картазэ кылдытозы «Культура» йӧскалык ӵектос улсын

  • 411
  • 0
Ижкар / Удмуртия
Удмуртилэсь куараен картазэ кылдытозы «Культура» йӧскалык ӵектос улсын
Туспуктэм: Григорий Фомин

«Культура» йӧскалык ӵектос улсын Удмуртиын элькунлэсь куараен картазэ кылдытозы. Отын котькуд ёрос, черкогурт, кар аслаз кырӟанэныз чузъяськоз. Со сярысь улосвыл тӧролэн но кивалтэтлэн пресс-службазы ивортӥз.

Кырӟанъёсты коллективъёслэн но нимаз быдэстӥсьёслэн «Звучит REC.публика» нырысетӥ цифровой медийной элькун фестивальзы (6+) улсын быръёзы. Жюри фестивальлэн нырысетӥ люкетэз (оштолэзь – куартолэзь) улсын вожвылъяськонэ вуэм Удмуртия, солэн ёросъёсыз но учкымон интыосыз сярысь видеоклипъёсты эскероз но котькуд муниципал кылдытэтлэсь одӥгзэ кырӟанэз картае пыртыны ӵектоз. 

Гуртлэн араз фестиваль улсын Удмуртиын 30 муниципал кылдытэтъёслэсь интерактивной карта кылдытэмын луоз

Интернетын куара сётонэн (инвожо – гудырикошкон) устооссэ вить кырӟанъёсты быръёзы, соослы ӧнерлыко видеоклипъёс лэсьтозы. Фестивальлэн финалаз (куарусён) Ижкар гинэ «куаратэк» кылёз. Юри ӵектос понна фестивальлэн гимнэз кылдытӥське, сое вань ёросъёс быдэстозы. Ижкар картаын гимнэн чузъяськоз. 

Фестивале куриськонъёсты кутон дырез Калык творчествоя элькун юрт ватсаса ивортоз.  



Наверх
Вниз