Ижкар-18 °C
26 -тӥ тулыспал 2021 Удмуртарня
18+

Флор Васильев нимо премиез басьтӥсьёсты пусъёзы Яр ёросын

  • 346
  • 0
Яр / Удмуртия
Флор Васильев нимо премиез басьтӥсьёсты пусъёзы Яр ёросын
Туспуктэм: vk.com (Ярская районная библиотека)

19-тӥ тулыспалэ Яр ёросын Флор Васильев нимо «Пичи Тюрагай» но «Тюрагай» премиез басьтӥсьёсты пусъёзы. Со сярысь ивортодэтъя «Удмуртия» агентстволэн корреспондентэзлы Яр ёрос лыдӟетъюртысь методист Татьяна Малых вераз.

Туэ премиен куатетӥзэ пусъё ини. Сое куинь номинациосъя сёто: литературая – «Вдохновение души», крезьгуръя – «Трепещет в небе песня тюрагая…», киужъёсъя – «Меж природой и искусством» номинацияя. «Пичи Тюрагай» премиез 6-17 аресъем пиналъёс, нош «Тюрагай» премиез 18 ареслэсь бадӟымъёс басьто.

Премиез Яр ёросысь быгатонлыко адямиосты шедьтон понна сётыны малпамын вал. Малы ке шуоно милям ёросамы куинь гинэ тодмо, дано кылбурчиосмы - Алексей Ельцов, Михаил Федотов, Флор Васильев. Тросэз гожъяло, но калык пӧлы уг потто, уг дӥсьто
Татьяна Малых, Яр ёрос лыдӟетъюртысь методист

2021-тӥ арын «Вдохновение души» номинациын «Тюрагай» премиез Яр ёросысь Никольск черкогуртын вордӥськем кылбурчилы Ксения Евсеевалы сётозы. Татьяна Малыхлэн кылъёсызъя, со данъетэз кыкетӥзэ басьтоз ини.

Премилэн куронъёсызъя одӥг адямилы премиез вить арлы одӥг пол сётыны луэ

«Трепещет в небе песня тюрагая…» номинациын «Тюрагай» премиез Укана черкогуртысь ӟуч кырӟанъя «Зареница» ансамбльлы но Ярысь калык кырӟанъя «Амулет» калык ансамбльлы сётозы. Со сяна, жюри ёзчиосыз Ворца гуртысь бесерман крезь фольклор ансамблез «Признание жюри» нимысьтыз премиен пусъёзы.

«Меж природой и искусством» номинациын «Тюрагай» премилэн лауреатэз Ярысь Августа Веретенникова луоз.

Нош «Пичи Тюрагай» премиез туэ одӥг номинацияя гинэ сётозы – «Меж природой и искусством». Сое Ярысь Полина Данилова басьтоз. Мукет номинациосъя пыриськисьёс ӧй вал.

Пусъём, ужъёсты эскерись жюриын котькуд ар Ярысь ӵектосъёс гожъянъя методист Людмила Яковлева, Флор Васильевлэн пиез Сергей Васильев, гожъясьёс Виктор Шибанов но Пётр Захаров пуко. Премилы коньдон Яр ёрослэн администрациез висъя.

Ватсалом, Флор Васильев нимо премиен пусъён Яр ёросын Гуртлэсь арзэ усьтон ужрад улсын ортчоз. 

Тодэ вайытом, Дэбес ёросын Степан Широбоков нимо «Дэбес уӵы» литература премия сётъяло.  



Наверх
Вниз