Ижкар-18 °C
26 -тӥ тулыспал 2021 Удмуртарня
18+

Анай кыллэн калыккуспо нуналэз улсын йӧскалык шӧмо дӥсьлы сӥзем акция ортчыто Яр ёросын

  • 382
  • 0
Яр / Удмуртия
Анай кыллэн калыккуспо нуналэз улсын йӧскалык шӧмо дӥсьлы сӥзем акция ортчыто Яр ёросын
Туспуктэм: Владимир Трефилов

Яр ёросын Анай кыллэн калыккуспо нуналэз улсын йӧслык шӧмо дӥсьлы сӥзем «День в этно стиле» акция ортчыто. Со сярысь ивортодэтъя «Удмуртия» агентстволэн корреспондентэзлы Яр ёрос лыдӟетъюртысь методист Татьяна Малых вераз.

Туэ ужрад куатетӥзэ ортче ини.

Али йӧскалык дӥськутъёсын ӵемгес ветло ук ини. Но куд-ог дыръя адямиен ӟуч сямен вераськиськом, ум но тодӥське кыӵе выжыысь со. Соин ик адями данъяськыны, ас костюмзэ калыклы возьматыны мед быгатоз шуыса, таӵе акция малпамы вал
Татьяна Малых, Яр ёрос лыдӟетъюртысь методист

Акцие пыриськон понна ужан яке дышетскон интые йӧскалык шӧмо дӥсь дӥсяса мыноно, туспуктэм лэсьтоно но сое «ВКонтакте» мерлыко вотэсысь баме #День_в_стиле_ЭТНО, #родной21 но #Яр хештегъёс пуктыса поттоно.

Тодэ вайытом, Яр ёросын Флор Васильев нимо «Тюрагай» премиез басьтӥсьёсты пусйизы. Со сяна, Анай кыллэн калыккуспо нуналэз улсын «Бадӟым удмурт диктант Яр сямен» ужрад ортчытӥзы



Наверх
Вниз