Ижкар+12 °C
16 -тӥ оштолэзь 2021 Удмуртарня
18+

Вӧйдыр элькун шулдыръяськон таяз арын Кез каргуртын ортчоз

  • 893
  • 0
Кез / Удмуртия
Вӧйдыр элькун шулдыръяськон таяз арын Кез каргуртын ортчоз
Туспуктэм: Руслан Нуриахметов

2021-тӥ арын Вӧйдыр элькун шулдыръяськон Кез каргуртын ортчоз. Толэз келян юмшан 14-тӥ южтолэзе ёросысь лулчеберет юрт вӧзын радъяськоз. Со сярысь Удмуртиысь лулчеберетъя министерстволэн пресс-службаез ивортӥз.

Праздникын куноосты кырӟанъёс, эктонъёс, шулдыръяськонъёс но трос-трос мильым возьмало!
Удмуртиысь лулчеберетъя министерстволэн пресс-службаез

Вань мылкыд карисьёс пӧртэм вожвылъяськонъёсы но шудонъёсы пыриськыны быгатозы: «Кто кого перепоёт, удивит честной народ», «Медвежий батл», «Колесо фортуны», «Прыжки через костёр». Озьы ик кужымез мертанъя «Блинный чемпионат» но ӵужонэн хоккей ортчозы. Люкаськем калыкез творчествоя коллективъёс шулдыртозы.

Юмшан 10 часысен 16 часозь мыноз. Масленча сульдэрез сутон 15 час 10 минутэ чакламын.

Тодэ вайытом, 7-тӥ южтолэзе Можга ёросын «Кватчи табань» шулдыръяськон ортчоз.     



Наверх
Вниз