Ижкар+12 °C
16 -тӥ оштолэзь 2021 Удмуртарня
18+

Россиысь туспуктӥсьёсты но видеографъёсты «Моя Удмуртия» фестивале пыриськыны ӧтё

  • 395
  • 0
Ижкар / Удмуртия
Россиысь туспуктӥсьёсты но видеографъёсты «Моя Удмуртия» фестивале пыриськыны ӧтё
Туспуктэм: Майя Бывальцева

28-30 куартолэзе Ижкарын «Моя Удмуртия» огъяросси фотовидеофест ортчоз. Кунлэн пӧртэм улосвылъёсысьтыз медиа удысын тыршись 150 егитъёс асьсэлэн творчествозы сярысь вераны быгатозы. Со сярысь элькун тӧролэн но кивалтэтлэн пресс-службазы ивортӥз.

Фестивале 18-35 аресъем туспуктӥсьёс, видеографъёс, мобильной репортёръёс, блогеръёс пыриськыны быгато.

Мон туспуктэмен студент дырысеным вырисько. Кылем арын мынам быдэс Россиысь кутскись туспуктӥсьёсты но видеографъёсты одӥг интыын огазеяме потӥз. Малпанэлы «Моя Удмуртия» фотоконкурслэн авторез но мерлыко ӵектосъёсъя эксперт Мария Созыкина дурбасьтӥзы. Кужыммес огазеяса, ми Удмуртиын бадӟым огъяросси фестиваль лэсьтыны малпамы
Елизавета Нарина, егитъёслэн ӵектосъёссыя огъяроси вожвылъяськонын вормись

Ӵектоссэ улонэ пыӵатыны Елизавета Нарина грант утӥз.

Фестиваль улсын портэм интыосын модельёсын ужан, фото- но видеотехникаез, югдытӥсь тӥрлыкез эскеронъёс радъяськозы. Озьы ик видеомонтаж но туспуктэм лэсьтонлэн инъетъёсызъя вебинаръёс ортчозы.

1-тӥ южтолэзьысен 1-тӥ куартолэзёзь «Моя Россия» инстамарафон ортчоз. Пыриськисьёслы мерлыко вотэсын портрет, пейзаж, кар, удмурт гурт темая пост гожтыны, #ИнстаМарафонМояРоссия #МояУдмуртияФест #ФотоВидеоФест хештегъёс пуктыны но фестивальлэн нимлыко сайтаз куриськон келяны кулэ. Марафонын куинез вормисьёс ӵектосэ пыриськозы.

Фестивальлы йылпумъян луоз егит туспуктӥсьёслэсь но видеографъёслэсь огъяросси огазеяськонзэс кылдытон, кытын ӵектосэ пыриськисьёс онлайн амалэн ог-огзылэн ужан амалъёсынызы но тодонлыкъёсынызы вошъяськозы.

Ӵектосэ пыриськон понна 2021-тӥ арысь 15-тӥ оштолэзёзь пусйиськыны кулэ. 1-тӥ куартолэзёзь электрон почтая творчествоя задание вуоз.

Тодэ вайытом, Удмуртиын улӥсьёс «Анай но нылпи йӧскалык дӥськутэн» калыккуспо фотоконкурсэ (0+) пыриськыны быгато



Наверх
Вниз