Ижкар+8 °C
15 -тӥ оштолэзь 2021 Покчиарня
18+

50-лэсь трос адями пыриськоз Удмуртиын Тракторен биатлонэ

  • 356
  • 0
Ижкар / Удмуртия
50-лэсь трос адями пыриськоз Удмуртиын Тракторен биатлонэ
Туспуктэм: Руслан Нуриахметов

6-тӥ южтолэзе Вотка ёросысь туризмъя «Камские дали» огъетын «Тракторен биатлон» усьтэм калыккуспо шудонъёсы 50-лэсь трос трактористъёс пыриськозы. Со сярысь Удмуртиысь гурт возёсъя но сиён-юонъя министерстволэн пресс-службаез ивортӥз.

Ӵошатсконэ Ростов но Свердловск улосвылъёсысь, Пермь шаерысь, Татарстанысь, Башкортостанысь но Минскысь трактор поттон заводысь гонщикъёс лыктозы.

МТЗ-82 тракторен ужаны но ыбылӥськыны быгатэмзэс возьматыны вить нылкышноос но мылкыд каризы

Выро-гопо интыез ортчон трактористъёс «змейка», «гараже пырон», «эстакада» эскеронъёс пыр потоно луозы. Соин ик йылпумъянъёс вылын сюресэз ӝог ортчем но шонер ыбылӥськем сяна, тракторез валтыны быгатонлык но шӧдӥськоз. Котькуд янгыш понна жюри штраф секундъёс но кругъёс ватсалоз.

Ужрадэ учкыны лыктэмъёс понна аттракционъёс, вожвылъяськонъёс но эстафетаос, кузьымъёсты шудытонъёс но шоу-программа дасязы. 

Тодэ вайытом, радъясьёслэн верамзыя, Трактор биатлонлэн трассаез туэ кузьгес но тунсыкогес луоз.



Наверх
Вниз