Ижкар+12 °C
16 -тӥ оштолэзь 2021 Удмуртарня
18+

Удмуртиысь кибашлыослэн ужъёссы Петрозаводскын адӟытонэ пырисько

  • 1392
  • 0
Петрозаводск / Россия
Удмуртиысь кибашлыослэн ужъёссы Петрозаводскын адӟытонэ пырисько
Туспуктэм: Константин Вознесенских

Удмуртиысь кибашлыослэн ужъёссы Россиысь финн-угор калыкъёслэн киужъёссыя «Дерево дружбы финно-угорских ремёсел» адӟытонэ пырисько. Возьматон Петрозаводскын ортче. Со сярысь ивортодэтъя «Удмуртия» агентстволэн корреспондентэзлы Калык творчествоя элькун юртысь киужъёсъя ёзэтысь валтӥсь методист Наталья Прокопьева вераз.

Ми отчы лэзим тужгес но умойёссэ ужъёсмес, кудъёсыз милям фондамы вань. Со сяна, пырисько ужъёссы Узей-Тукляысь куиськисьёслэн но Ярысь усточимылэн Марина Даниловалэн мунёоосыз. <…> Со сяна, ми отчы лэзим на костюм: куэм айшет, дэрем, уксётӥрлыкъёс. Собере пулэсь лэсьтэм скульптураос, кызьпутуйлэсь лэсьтэм арбериос, мунё но куэм панноос но ӵушконъёс
Наталья Прокопьева, Калык творчествоя элькун юртысь киужъёсъя ёзэтысь валтӥсь методист

Адӟытон Азьмуртлэн грантъёсъя фондэз юрттэм улсын улонэ пыӵась «Малая Родина – родник души человека» ӵектос улсын мынэ но нырысьсэ ортчытӥське. Отын финн-угор калыкъёслэсь лулчеберетсэс возьматӥсь оглом 600-лэсь трос киужъёс люкамын.

Ужрадэ Удмуртиысь сяна, Карелиысь, Комиысь, Марий Элысь, Ямало-Ненец, Ханты-Манси автоном округъёсысь кибашлыослэн ужъёссы пырисько.

Адӟытон Петрозаводскысь Татьяна Калинина нимо «Дом Куклы» чеберлыкъя галереяын 31-тӥ южтолэзёзь ужалоз. 

Тодэ вайытом, Удмуртиын Ува ёросысь Бызара (Узей-Тукля) гуртысь кибашлыослы сӥзем «Возрождённые ремёсла рода Тукля» книгазэ потӥз.



Наверх
Вниз