Ижкар+1 °C
13 -тӥ оштолэзь 2021 Пуксён
18+

«Гербер» удмурт йӧскалык шулдыръяськон 26-тӥ инвожое ортчоз

  • 1173
  • 0
Вавож / Удмуртия
«Гербер» удмурт йӧскалык шулдыръяськон 26-тӥ инвожое ортчоз
Туспуктэм: Руслан Нуриахметов

2021-тӥ арын «Гербер» удмурт йӧскалык шулдыръяськон 26-тӥ инвожое Вавожын ортчоз. Со сярысь Удмуртиысь Калыкъёслэн эшъяськон юртсылэн пресс-службаез ивортӥз.

Ужрадлэн валтӥсь темаез - вашкала дырысен ёрослэн интывылаз улӥсь воршудъёс

Шулдыръяськонэз удмурт дуннелэсь аспӧртэмлыксэ, узырлыксэ возьматӥсь площадкаосын тырмытыны ӧдъяло – вашкала сямъёсын кутскыса, туала интернет-технологиос дорозь. Сыӵе форматэз радъясьёс «ВДНХ удмуртского мира» нимазы.

Куноос понна туала но сяме пырем крезьгур быдэсъясь удмурт кырӟасьёслэсь концерт пуктозы, удмурт стендап радъялозы, туала йӧскалык модаез возьматозы, «Куара» но «Шунды» огазеяськонъёслэн ӵектосъёсынызы тодматозы.

Озьы ик удмурт калыклэн историеныз, литератураеныз, сямъёсыныз но вормонъёсыныз выль сямен тодматӥсь площадкаос ужалозы: «Кылбур-баттл» вожвылъяськон, «Эрико микрофон», тодмо литераторъёслэн лекциоссы, туала драматургъёслэсь пьесаоссэс лыдӟон, «Ӟеч перепеч» ӝӧквыл шудон турнир но мукет.

Со сяна, нылпиослы археологи «песочница», вашкала арбериослэсь копиоссэс лэсьтонъя мастер-классъёс, удмурт гуртъёслэн историзыя визь-кенеш сётон луозы.

Нимысьтыз саклык инкуазез утёнлы висъялозы. Озьы, шулдыръяськонэз одӥг пол кутӥськись тусьты-пуньытэк ортчытыны тыршозы

Тодэ вайытом, кылем арын коронавирус инфекци вӧлмонэн сэрен Гербер шулдыръяськон ортчытытэк кылиз. Со озьы ик Вавожын луыны кулэ вал. 



Наверх
Вниз